نوفيلا مرام بقلم عبيرسليم
عمرو فبرغم فرحته بابنه و انه بيجيبله كل إللي محتاجه الا انه بردو مش قادر ينسى مرام أوقات كتير بيسيبه و يروح يقعد في الشقه بتاعته هو ومرام سامع صوتها فكل مكان كل ركن ليهم فيه ذكرى بيقعد فيهآ بالساعات يفتكر كل حاجه تخصهم
يمسك صورة فرحهم و يمسح من عليها التراب وحشتيني اوي كل حاجه من غيرك ملهاش طعم الأيام صعبه و مبتمرش و طعمها مر أوي مبقتش حاسس بأي حاجه في الدنيا من بعد ما سيبتيني انا مبقتش عايش وحشتيني أوي يا مرام يا ترى فاكراني و اللا نسيتيني خلاص
سها يبقى حلك زي ما قال الشاعر و داوني بالتي كانت هي الداء
مرام تاني يا سهى حعيده تاني
سها ليه امال عاوزه تقعدي كده و اللا ايه يعني هو يتجوز و يعيش حياته و انتي تقعدي تغني ظلموه لا يا حبيبتي و ربنا لجوزك سيد سيده
مرام مش حقدر يا سهى مش حقدر ادخل حياتي حد بعد عمرو
مرام ما هو من كتر حبي ليه مقدرتش يا سها كل ما الغلاوه بتبقي اكتر كل ما الزعل بيكون أكبر
سها ربنا يعوضك خير يا قلبي حبيبتي يارب
يرجع عمرو البيت ميلاقيش حد يفتح تليفونه اللي كان قافله من اول اليوم يلاقي بسنت حاولت تتصل بيه كتير يحاول يتصل عليها تليفونها غير متاح بعد شويه تفتح الباب و تدخل و هي باين عليها الإرهاق و التعب تدخل و متكلمهوش
بسنت و عيونها ماليها الدموع انت مش واخد بالك ان معاذ مش معايا
عمرو معاذ ابني هو فين صحيح
بسنت طب كويس انك لسه فاكر ان ليك ابن اسمه معاذ
عمرو فين معاذ يا بسنت اتكلمي
بسنت ابنك تعبان بقاله كذا يوم و رحت بيه للدكتور لوحدي مرتين و انت مش في الدنيا ولما لقيت العلاج مش جايب نتيجه رحت بيه عالمستشفى اخدوه مني و حجزوه في المستشفى
عمرو في مستشفى ايه
يجري عمرو عالمستشفى و يدخل يشوفه و يطمن على حالته من الدكتور ويصعب عليه ابنه و يزعل من نفسه ان حبه لمرام و حزنه على فراقها نساه ابنه لدرجة انه يتعب بالشكل ده و يتحجز و هو مش حاسس بحاجه
فضل في المستشفى و بسنت حالتها كانت صعبه مبتبطلش عياط ده هو ده الحاجه الحلوه اللي طلعت بيها من الدنيا قاعده أدام الشباك رافعه ايدها و بتدعي ربنا يا رب انا مليش غيرك يا رب انت العالم بحالي و عالم اني عمري ما فرحت لكن فرحتي بابني نستنى كل حزن مر علية فحياتي يا رب خليهولي يارب ده هو اللي مصبرني على حياتي و دنيتي يا رب لو أخذته مني خدني معاه انا مش باقيه عالدنيا فحاجه و لا ليها عندي لزمه من غيره يارب
بسنت يا رب
عمرو بسنت انا عاف ان جوازنا فيه ظلم كبير ليكي انا حاولت و الله يا بسنت كتير اني اكون ليكي الزوج والحبيب لكن ڠصب عني مش قادر انتي مفيكيش اي عيب و الله انتي ست الستات لكن العيب في قلبي انا اللي مش قادر ينسى. و لا يحب تاني بسنت انا مش عاوز اظلمك و اعيشك معايا عيشه محسوبه عليكي عالفاضي لو عاوزه حريتك حديهالك لأني خلاص حياتي بقى ملهاش طعم و لا عدت حاسس بيها
بسنت و انت لما تديني حريتي يا عمرو انا حعمل بيها ايه حستفيد منها ايه عمرو انا مش عاوزه اي حاجه من الدنيا غير ابني و بس معاذ هو ابني و حبيبي كل دنيتي و ان شاء الله ربنا حيعوضني بيه
