مراتي تخينه

" مراتي كانت تخينه جداا ، فطلبت منها تخس عشان مبحبش الستات التخينه !  وبصراحه سمعت الكلام وخست !!  المشكله هنا بعد ما خست جسمها بقى فيه خطوط حمرا وخطوط بيضاء  ذي ما هي بتقول إسمها  " علامات تمدد الجلد"  ودَ بسبب إنها خست ودايما بتقولي إنه عادي وبيحصل لمعظم الناس  ، فقولتها إني قرفان منها وشكلها بقى وحش فقال اي زِعلِت !! بدل ما تعتزرلي !! "

كان بوست في جروب لمشاكل المتجوزين ، اول ما قريت البوست ده الډم غلي في عروقي اللي هو مين الحيوان دَ ؟! دخلت صفحته لقيته بكرش ووشه مليان حبوب واقرع !!  بقا ده اللي بيعيب؟!  دخلت في الكومنتات عشان اشتمه واجيب حقها ،  لقيت  ستات مصر وستات المجتمع جابوا حقها بأحلى كلام بجد فضلت اقرا كل كومنت بفرحه من كم اللي اخدها !!   لفت انتباهي كومنت كذا حد رادد عليه  كانت واحده بتقول في كومنت " لأ ملهاش حق !! بس ممكن تبعتلي للينك اكونت مراتك  الوحشه دي ؟!"

استغربت الكومنت فدخلت  صفحتها لقيتها محاميه !! فطلعت كملت قراية الناس اللي راده عليها لفت انتباهي كومنت خضني   لواحده كاتبه " انا مراته  الوحشه ها قوليلي كنتي عوزاني في اي؟!"

لقيتها راده عليها بهدوء وكاتبه" انا مستعده اطلقك منه بدون اي تكاليف ، المهم تبعدي عن الحيوان دَ !! "

مراته ردت وكتبت " وانا موافقه جداا"

فرحت ، زغرت ، اللي هو خلاص هترتاح من حيوان ذي دَ !!  كتبت اسمها على السيرش هي والمحاميه عشان اشوفهم هيعملوا اي ، دقيقتين و موبايلي فصل فحطيته في الشاحن ودخلت نمت  وعدت الايام وشهرين بالظبط.

لقيت نفس الراجل نزل في الجروب  وقال " حسبي الله ونعم الوكيل  في خرابين البيوت"

ضحكت  بجد والله  !!  كومنتات الستات كانوا بيضحكوا فرحانين فيه جداا، كانت فرحتي مش سيعاني فبسرعه دخلت في صفحتها  لقيتها كاتبه في حالتها الاجتماعيه  "مطلقه وافتخر "

فعلا طالما جوزها كان حيوان كده يبقا الطلاق منه فخر !!

كانت منزله صوره ليها  من يوم ، كانت جميله  بطريقه مبهره ، عينيها لونها لون الزرع ،  حجابها طويل ومحتشم وكانت لابسه دريس وفارده دراعاتها في الجو وكاتبه من فوق " بفرد جناحي في الهوا كأني طير "

فجأه لقيتها نزلت بوست  وكاتبه فيه " قبل ما تختاري راجل ،  اختاري الراجل اللي دايما شايفك جميله  و عمره ما يشوفك وحشه حتى وانتي وحشه   او بمعنى الاصح اختاريه راجل وده يكفي"

كلامها فكرني بخطيبي كنا قاعدين مع بعض وكان بيوريلي الحبايه اللي طالعاله في وشه فبقوله دي واحده !!  لكن انا عندي حبوب كتير اووي ومضيقاني بطريقه وحشه .

لقيته رد عليا وقال _ وهي فين الحبوب دي.! 
روحت استغربت وقولت _ في وشي يابني انت مش شايف !! 
وقتها ابتسم وقال _ على فكره معندكيش حبوب ومتضحكيش عليا !  وبعدين ياستي حتى لو عندك انتي جميله بيهم  ده حتى يمكن  هما اللي محلينك اكتر ما إنتي حلوه.

الموبايل هز في أيدي بكومنت كان من  المحاميه كتبالها في اول كومنت " 

لكل بنت ام اخت انتي تستاهلي حد يحبك بالطريقه اللي انتي عوزاها ، و تستاهلي حد يشوفك أعظم إنجازاته ❤️

#ايمان_عبدالرؤف