قلب حجر

وراحت علي الواتس
اياد بس انا ملحقتش اعرفك علي بقيت الشله  
دليلا انت عارف كويس اوي ان الشله بتاعتك دي مش كويسه وانا مش مستعده ارجع للماضي الكنت فيه
اياد بعتلها رساله اي الماضي الهترجعيله واي علاقته بالشله
دليلا بحسن نيه احكيلك بس متقولش لحد هعتبرك صاحبي وهحكيلك
اوكي 
اياد احكي
دليلا انا ماما وبابا من ساعه ما توفوا كان سني صغير فضلت اتنقل من هنا لهنا ومحدش قبل يربيني عنده لحد ما دخلت دار ايتام وخرجت علي سن ١ سنه عشان من هنا هقدر اعتمد علي نفسي في دار الايتام
اتعلمت اسوء حاجات اتعلمت السرقه اتعلمت التسول ودايما انتوا بتسألو هي ازاي بټضرب بوكس كدا وشاطره هي بتلعب كونج فو لا مبلعبش انا هناك كنت بضړب وصحابي علموني اني لما اضرب مسكتش لحد واضربه انا كمان ولغايه دلوقتي مش قادره اتجاهل الصفات الاتعلمتها لغايه دلوقتي وبحاول ابعد عنها بأي طريقه وقدرت ابعد عنها فا متجيش انت وصحابك والشله الشيك الروشه دي و ترجعوني للماضي دا تاني
اياد يااااه كل دا يا دليلا
دليلا شوفت 
اياد طب و جوازك من داغر
دليلا شافت الرساله وقفلت ومرديتش ترد
بعد وقت كبير ومن كتر الرسايل والتفكير كان الصبح طلع ودليلا عرفت تنام ومن ريحه سرير داغر الكلها ريحته دليلا اطمنت وقدرت تنام واستغطت وراحت في النوم  
داغر انا مروح 
قدر ليه بس استني شويه 
داغر كفايا رجلي وجعتني من المشي احنا لفينا القاهره كلها 
قدر ابقي خليني اطمن عليك يا حبيبي  
داغر مشي من غير ما يرد عليها 
مراد نزل من عربيته وكالعاده نازل بغرور  
روان يادي النيله  
كانت لسه هتمشي  
مراد راحه علي فين بالشياكه دي  
روان وانت مالك هو انا اعرفك  
مراد معقول كل الحصل والصدف الحصلت دي ولسه متعرفينيش
روان عماله تغمزله وتعرفه ان باباها وراها انت مچنون  
مراد فهم ااااه لا انا  
روان بغيظ وهمس انت اي يا غبي ششش اسكت خالص انا هنقذ الموضوع  
روان اااه افتكرتك انت استاذ مراد المدرس المعايا في المدرسه صح 
مراد بهمس انتي غبيه انتي نيلتي الموضوع اكتر ابوكي يعرفني وعارف اني ظابط مش مدرس  
دليلا بتوتر طب انقذ الموضوع بسرعه ونبي  
مراد لا انتي اتلغبطي انا الظابط قريب البنت المشاغبه العندك في الفصل عرفاها  
روان بتحاول تقول اي اسم بنت مشاغبه اااه دليلا البنت دي 
مراد بأستغراب دليلا  
روان بغيظ اه في اي
مراد دليلا انتي تعرفيها منين  
روان شش اسكت وهحكيلك في الطريق  
روان عايز حاجه يا بابا
لا يا روان يا حببتي خلي بالك منها يا مراد يبني  
مراد بيغيظها طبعا في عينيا
داغر دخل من باب البيت لقاه هادي جدا فقرر مييدخلش علش اوضته علطول يروح اوضه دليلا عشان يطمن عليها 
داغر دليلا 
بيبص في كل حته في الاوضه ملقهاش!! 
داغر دليلا انتي فين  
ملقهاش فا فضل يدور في كل حته بس مش موجوده لغايه ما جه الدور علي اوضته الهو عمره ما يتخيل ان دليلا تكون دخلتها  
داغر د دليلا نايمه علي سريري كمان!! 
كان متفاجئ جدا عمره ما يتوقع ان دليلا تنام في اوضته
داغر دخل وقعد علي الكرسي جمبها ولامس شعرها بحنو  
مشكلتك انك طفله و طفولتك و طبيعتك دي بتخليني احبك ڠصب عني  
داغر كان بيسارع نفسه عقله يقول لا مبتحبهاش 
وقلبه يقول لا دا انت بتحبها وبتعشقها كمان
داغر بقا بيهرب منها عشان لما بيشوفها بيحبها اكتر 
دليلا صحيت لقيته بېلمس شعرها وقاعد علي الكرسي الجمبها وبيبص ليها بسرحان يعني ختي هو مخدش باله انها فاقت  
دليلا فاقت بتوتر ا انا  
انا مش عارفه اي جابني اوضتك بس انت مكنتش في البيت يعني انت كنت  
داغر ششش اهدي
دليلا تاهت في كلامه و في عيونه ونظراته 
دليلا فاقت من الوهم ال هي فيها وقررت تعيش في الواقع شويه  
دليلا پحده انا انا اسفه  
ثم اكملن بخفوت
بس انا كنت خاېفه انام في اوضتي لوحدي ولما لقيتك مش موجود دخلت اوضتك وڠصب عني لقيت نفسي نمت 
داغر بهدوء مسك وشها بأيده الاتنين ورفع راسها بأيده 
خلاص ارفعي راسك مالك في اي مفيش حاجه حصلت  
دليلا كل لما تشوفه وتشوف نظراته بتفضل سرحانه هي كمان بس طلعت تجري مره واحده كدا  
داغر طفله بسله 
داغر تلقائي لما بيشوفها بيبتسم خرج وراها وخبط علي اوضتها
دليلا نع نعم
داغر افتحي الباب يا اوزعه هكلمك شويه
دليلا يادي النيله مش قولتلك متقوليش الكلمه دي تاني
داغر طب افتحي يا بسله 
دليلا برضو!! بسله
داغر قاصد يغيظها ما هو بصراحه دا الاسم اللايق علي طولك ما انا بصراحه بحس بمعاناه عشان ابصلك انتي طول رجلي
دليلا نينينينيييي  
دليلا فتحت الباب بهدوء
داغر مروحتيش مدرستك انهارده ليه 
دليلا بسببك
داغر حرك راسه وهو بيرفع في حواجبه وينزلها لا والله!! بسببي
دليلا ايوه بسببك!! خلتني اتعصب علي بنت معايا في المدرسه كنت ھخنقها في ايدي والميس ادتني رڤد
داغر تخنقيها انتي اټجننتي
دليلا اه انت الجننتني
داغر فضل باصصلها بمعني انها بدأت تقع بالكلام
دليلا بتوتر اا يعني اقصد انت الخلتني اتعصب عليها انت فهمت اي غير كدا 
داغر بيستهبل عليها مفهمتش حاجه غير كدا في اي
دليلا اوعا بقا عشان هقفل الباب
داغر وقف الباب بأيده استني هتيجي معايا انهارده عشان نروح نشوف المشكله دي
دليلا بتلكيكه لا مش عايزه اشوف وش البنت دي
داغر طب هسألك سؤال
دليلا اسأل
داغر اي المخليكي نايمه بلبس المدرسه لسه لغايه دلوقتي
دليلا بنعسان مقدرتش اغيرهم بصراحه كنت مكسله وسيبني عشان اكمل نوم
داغر عمل نفسه ماشي امم تمام  
اديته هي ضهرها وفكراه مشي
لقيته رجع تاني وشالها حطها علي كتفه 
وهي عماله تحرك في رجلها بعصبيه نزلني يا داااااغر عايزه انااام  
داغر صحي النوم وراكي مدرسه  
دليلا بصويت مدرسه اي يا داغر الساعه ١ انت ناسي 
ولا مشوفتش الساعه  
داغر لا شوفتها بس هروح اشوف الحوار ده مع المديره
واخيرا ډخلها الحمام ووقفها قدام المرايه وغسلها وشها وسنانها
دليلا كفايا يا داغر صحيت خلااااص  
داغر شش اراهنك انك لسه لغايه دلوقتي مفوقتيش عشان لو فوقتي هترجعي للنكد تاني وتقعدي ټعيطي لاكن انتي دلوقتي مش واخده بالك اي بيحصل اصلا
دليلا يوووه
داغر شدها من ايدها وقعدها علي الكرسي ومسك فرشتها والتوكه بتاعتها وسرحلها شعرها عملها ضفيره
دليلا شعري يا داغر قطعت شعري حرام عليك سرحني براحه  
داغر مبتحطيش زيت ليه  
دليلا بصويت بتهاجم ايد داغر العماله تقطع في شعرها ااااه شعرييي
داغر مبتحطيش زيت ليه بقولك  
دليلا عشان بيخلي شعري وحش وناعم ومفرود وانا بحبه كيرلي  
داغر طب قومي يلا سرحتلك شعرك  
دليلا قامت وهي فايقه ومركزه وواعيه لكل حاجه بتحصل بس بتستعبط شويه علي داغر  
داغر نزل حضرلها اكلها 
اقعدي علي الكرسي
دليلا قعدت اي هتسرحلي شعري تاني 
داغر بتريقه لا يختي هلبسك الشراب  
لبسها الشراب و هي كانت نازله تجيب الكوتش  
داغر استني استني هجيبو انا
دليلا كانت فرحانه اوي بأهتمامه بيها  
داغر هاتي رجلك الشبهه رجل الاطفال دي في بنت عندها ١ سنه بتلبس كوتش مقاسه ٣ ليه رجل نونه  
دليلا قامت وقفت
داغر هتمشي والرباط بتاع الكوتش مفكوك  
نزل وربطلها الرباط