عزومه اخوات جوزى قصه مشوقه جداا
انا متجوزه بقالي ٩ ايام جوزي جه امبارح الصبح بيقولي ايه رأيك نعزم اخواتي البنات بكرا بعد الصلاه علي النهارده يعني قبل ما يمشوا يروحوا قولتله هو ماما جايبه الخزين لينا ولا لاخواتك وبعدين عروسه ايه اللي هتعزم قالي ما كان رغده اختي هتطلع تساعدك قولتله لا معلش سكت وقالي عندك حق انا كفيل باخواتي وابويا وامي
نزل لقيته راجع بمكرونه أقلام ولحمه مفرومة ولحمه عاديه و٤ فرخات وخضره وطماطم ونزل بليل جاب كرنب من ناس جيرانهم فلاحين ورن علي اخته لقيتها مطلعه مع ابنها بتنجان وكوسه متقوره وجاب كل دا ومقلش ليا اي حاجه خالص قولتله انت بتحطني قدام امر واقع طيب مش هعمل حاجه برضوا الا بمزاجي ضحك وقالي خالي مزاجك علي جنب وقعد غسل الفراخ ونقعها بمياه وملح وليمون كانه عارف بتتعمل ازاي وبعد الفجر لقيته صحي صلي الفجر ولقيته بيخبط بالمطبخ ودخل سألني الخلاط دا بيشتغل ازاي خرجت عرفته وقولت والله لا اسيبك تحتاس وتدخل تتحايل عليا وحطيت اغي علي المخده روحت في النوم صحيت الساعه ١٠ ونصف كدا لقيته عامل اللي عمره ما جه علي بالي عامل الفراخ صنيه وصنيتين مكرونه باشميل وسلق الكرنب يه والبتنجان والكوسه وفلفل وسوي الاكل ونزل جاب اخواته البنات برجالتهم بعيالهم وابوه وأمه وأخوه
ورس السفره كأنه عارف كل شي طلعوا اخواته البنات وقالوا مندهتيش علينا نساعدك ليه ضحك قوووي وقال لا معلش هي مكنتش هتعرف تعمل كدا دا انا اللي عامل واكلت محشي وربي وما اعبد عمري ما كلت محشي بالطعم دا في حياتي وأخواته وانا شلنا السفره وغسلت اخته الحاجات وانا عملت شاي وقعدوا ساعه ومشيوا لانه اخواته متجوزين ولاد خاله في بني سويف وبعد ما مشيوا به وبقوله علي كدا لو عزمت بابا وماما هتعمل معاهم كدا انا قولت هيقولي انا مالي واقلب الطربيزه عليه
قالي وافرش ليهم الأرض ورد كمان اصل ولاد الأصول محدش يعدل عليهم وقالي خلي بالك مش هكمل اجازه ال ٣ شهور احتمال اسافر علي اخر الشهر ومعرفتش اقلب الطربيزه عليه وبيكل عادي ويضحك ولا كان في حاجه ونزل بعد العشا عند امه وخرج قعد مع اخوه وابن عمه في الكافيه وانا قاعده لحد دلوقتي بهري في نفسي اعمل ايه علشان اطلع من الموقف دا
