ضرتي حامل

قولي كده بقا قولي انك عايزة حماتك تريحك من شغل البيت وعايزة تفضلي في السرير على العموم هي الراحة مطلوبة برضو لكن الحركة بحساب ماشي
سماح
حاضر يادكتور ان شاء الله خير يلا ياحماتي نمشي
الحما
يلا بينا يابنتي نمشي
ومشيو وسماح قالت لها
ايه العمل دلوقتي ياحماتي اعمل ايه هاقول ايه للست هانم اللي في البيت دي
الحما 
انتي بس دلوقتي تفضلي مدارية عليها هنشوف هنعمل ايه وقتها
سماح 
علي اد مانا فرحانة على اد ما أنا زعلانة انه حصل في وقت ماينفعش خالص
الحما 
سبيها على الله ياسماح هو ربنا اللي هيدبرها من عنده بقا
و صلو البيت وليلى قالت لهم 
ها عملتي ايه عند الدكتور ياسماح قالك عندك ايه بالظبط
سماح بصت لحماتها ورجعت بصت لها وقالت 
اااا قالي ااا شوية برد في المعدة وكتب لي شوية أدوية للمعدة وسعي يا ليلي خليني ادخل عند حماتي ارتاح شوية
ليلى 
طيب يا سماح ادخلي ارتاحي لو عايزاني اعمل لك اي حاجة قولي لي اعملها لك
سماح 
لا كتر ياختي انا هدخل انام شوية واصحى هبقي كويسة ان شاء الله
ودخلت سماح وسابت ليلى مع حماتها وقالت لها 
هو الدكتور قال لكم انهم فعلا شوية برد فعلا اصل البت سماح شكلها مش طبيعي خالص
الحما 
ايوه قالنا كده اومال يعني هي هيكون عندها ايه يا ليلي وبعدين مالك كده مركزه مع سماح اوي ماتسبيها في حالها ياختي دي البت غلبانة ومکسورة الجناح
ليلى 
على اساس يعني انا اللي مش غلبانة ومکسورة الجناح
الحما 
على الاقل انتي ابوكي عايش ابوكي اللي كان السبب في ان ابني ااا...... مش عايزة افتكر يلا الله يسامحة ابوكي ده
ليلى 
ياحماتي ده والله بابا غلبان خالص وكان بيحب سامي وانتي عارفه ان سامي كان دراع بابا اليمين
الحما 
ااه كان دراعة بس ابوكي غدر بيه عشان ابوكي غدار
ليلى 
بابا عمره مكان غدار ياحماتي ولا عمره غدر بسامي هو احنا كل شوية هنفضل نتكلم في الموضوع ده ارجوكي ياحماتي انسي اللي حصل ممكن
الحما 
خلاص بقا ياختي اللي حصل حصل وابني خلاص وراح ربنا يرحمة بقا
وفضلت سماح تتعب ومش في العاده بتاعتها وليلى بقت تشك فيها وفي تصرفاتها وعدت الشهور وليلى قالت لها 
هو انتي عامله كده ليه يا سماح انتي عارفه شكلك 
سماح ارتبكت وبصت لحماتها وقالت 
ايه الكلام اللي انتي بتقوليه ده يا ليلي ماتحترمي نفسك ياحبيبتي هو انتي هتعملي عليا فاهمة كل حاجة ولا ايه ممكن تخليكي في نفسك وملكيش دعوة بيا
ليلي 
وهو انا قولت ايه يعني ياسماح انا قولت حاجة انا بقولك بس اني شاكة مش اكتر وبعدين انتي بتتخني

سماح 
فكك مني يا ليلي انا طالعة شقتي وهسيب لك الدنيا عشان ترتاحي انا ماشية
وسبتها وطلعت فوق وليلى قالت 
اما دي تبقى مصېبة لو كان اللي في بالي صح ياسماح يلهوي سامي الله يرحمه يعني ممكن تكون لعبت دي كانت حماتي تشرب من ډمها بس انا لازم اجيب قرارك ياسماح
ودخلت عليها حماتها وهي بتكلم نفسها وقالت لها 
مالك يابت انتي بتكلمي نفسك ولا ايه في ايه
ليلى 
م م مفيش ياحماتي انا بس مستغربة من حاجة هو انتي مش واخده بالك ان سماح بتتخن تخن مش طبيعي 
الحما 
يامصبتي ايه اللي انتي بتقوليه ده يا ليلي الله عيب كده سماح ياختي قال ده اللي كان ناقص
وفضلت حماتها تزعق فيها عشان خاطر سماح وعدي اليوم وفي نص الليل وليلى كانت واقفه في البلكونة وقالت 
ايه ده ده مين ده اللي دخل بيتنا ده يلهوي ليكون حرامي طيب ارن على محمود سلفي يشوف في ايه ولا اكلم حماتي
انا مش عارفه اعمل ايه
وطلعت ليلي اتسحبت وبصت من العين السحرية 
يانهارك اسود ياسماح يبقا اكيد انا لازم اڤضحها في البيت كله واعرفهم اللي هي بتعمله
وراحت بسرعة على باب شقة سماح وفضلت تخبط جامد وفتحت لها سماح وقالت
ليلى في ايه انتي بتخبطي على الباب كده ليه في الوقت ده
ليلى
انا بخبط ليه انا بخبط عشان اڤضحك في البيت كله ياسماح بقا وانا اللي كنت شاكة انك حامل وطلعتي فعلا حامل وكمان ابو اللي في بطنك عندك جوه والله لاصحي حماتي واخليها تطلع تشرب من دمك عشان مصونتيش الراجل اللي راح
سماح
ايه الكلام اللي انتي بتقوليه ده يا ليلي انتي اټجننتي ولا ايه انا اشرف منك ومن اللي جابوكي على فكرة
ليلى
اخرسي قطع لسانك دلوقتي عشان انا هفرج عليكي الناس 
لا يا ليلي انا حامل من جوزي
ليلى
يعني انتي اتجوزتي واحد غير سامي في السر
سماح
انا حامل من سامي جوزي وجوزك وفي اللحظة دي خرج سامي من جوه وقال لها
ليلى سماح حامل مني انا
وفجأة اغمى عليها وسامي شالها ډخلها عند سماح وفوقها وقال لها
فوقي يا ليلي انا عملت نفسي اني مېت عشان اهرب من رجاله ابوكي اللي كان عايز يخلص مني
ليلى
وفضلت السنين دي كلها ياسامي عايش وانا معرفش ليه طيب
سماح
ماهو خاف ياحبيبتي تروحي تقولي لابوكي اللي ظلمة يقوم يخلص منه بجد عشان كده دارينا علينا
ليلى
اخس عليك يا سامي وهو انا يعني لو كنت عرفت انك عايش انا كنت هسلمك لبابا ليه يعني ده انت اغلى حاجة عندي في الدنيا انا مبسوطة اوي انك عايش يعني على انت كنت فعلا بتيجي لادم في السر ولما كان بيقولي انك جيت له مكنش بيتهايلة زي مكانت انا فاكرة
سماح 
خلاص ياختي بطلي منه بقا ويلا روحي على شقتك
سماح 
مش عايزاني افضل مع جوزى شوية ياسماح وانتي شبعانة منه اصلا
سامي
خلاص بقا يا ليلي انا هجي لك في

شقتنا
ليلى
على فكرة ياسامي بابا عرف انك مظلوم وانك انت ملكش يد في البضاعه اللي اتسرقت وهو حاسس بالذنب من ناحيتك
سماح
ياسلام طيب ومقولتيش الكلام ده ليه ياختي
ليلى
بابا عارف ان سامي خلاص راح بس هو حب يكفر عن ذنبة بأنه عملي ورث كبير انا وادم ابنك
سامي
انامش عارف اقول ايه في ابوكي ده بس طالما حس بذنبة انا مسامحة وهرجع أظهر للناس واعيش تاني
وفضلت سامي رجع الحياة من تاني وابو ليلي ومراتة والكل اتجمعوا وبقو عيلة واحدة
وبكده تكون خلصت حكايتنا