فرصة ضائعه

قمر وهي موطيه راسها..
كيان تعالي يا قمر..
قمر قربت منها الف سلامه يا كيان..
كيان الله يسلمك يا حبيبتى..
قمر بجد شكرا جدا انا مش عارفة لو مكنتيش موجوده كان
زمان حصلي ايه..
كيان اكتفت بأبتسامه..
قمر انا مضطره امشى دلوقتى علشان بابا وماما مستنينى بره..
دخلوا من الباب راجل ومراتوا..
الست انا مش عارفه اشكرك ازاي بجد لولاكى كان زمان بنتى..
كيان مفيش داعى للشكر اي حد مكانى كان زمانوا عمل زي ما عملت واكتر..
مشيوا الاتنين ومعاهم قمر..
احمد هو ايه اللى حصل ومين قمر دي..
جاسر ابقا احكليك بعدين..
عدي طيب يالا احنا بقا.. الف سلامه عليكي مره تانيه يا كيان..
كيان ابتسمتلوا بهدوء..
جاسر كان هيمشى بس كيان مسكت ايدو شكرا..
جاسر حس بأرتباك العفو انا معملتش حاجه..
نزلت اديها بهدوء وهو مشي..
عدا اليوم وجه الليل كانت مليكه واسيل روحوا علشان وراهم جامعه ودهب نايمه على الكنبه جمب كيان
بليل
كيان كانت نايمه بس صحيت من النوم وكانت عايزه تدخل
الحمام بتبص جمبها لقت مامتها نايمه مردتش تصحى مامتها
وحاولت تقوم براحه.. شالت الغطا من عليها ونزلت رجلها
براحه واول ما قامت حست پألم جامد مسكت بطنها وحطت
اديها على بوقها علشان مطلعش صوت..
اتسندت لحد ما فتحت باب الاوضه وطلعت قفلت باب
الاوضه وسندت على الحيطه بتعب.. جاسر كان جاي يطمن
عليها من غير ما تشوفوا بس لاقاها واقفه سانده على
الحيطه وباين عليها التعب قرب منها بسرعه انتى ايه اللى
خرجك..
كيان بأرتباك اصلى.. اصلى انا..
جاسر اصلك ايه قولي..
كيان باحراج عايزه ادخل الحمام..
جاسر ههه كل ده علشان عايزه تدخلى الحمام.. طيب
مصحتيش مامتك ليه..
كيان علشان كانت نايمه وتعبانه محبتش اقلقها..
جاسر تمام اسندى عليا انا اوديكي..
كيان بس..
جاسر يالا يا كيان.. كيان سندت عليه لحد ما راحوا اودام
باب الحمام..
كيان تمام انا هدخل..
جاسر ماشي هستناكى هنا..
كيان كانت حاسه بتعب بس اتحملت على نفسها ودخلت..
بعد خمس دقايق تقريبا خرجت تانى..
وجاسر سندها لحد باب الاوضه..
كيان قبل ما يدخلوا اه صحيح انت ايه اللى جابك فى الوقت ده..
جاسر بأرتباك احم عادى قولت اعدى عليكي..
كيان تعدى عليا.. امممم..
ډخلها جاسر ونيمها على السرير براحه..
كيان بصوت واطى علشان مامتها شكرا روح انت بقا علشان ترتاح..
جاسر انا هقعد هنا شوية علشان لو احتاجتى حاجه..
كيان انا مش عايزه اتعبك.. انا كويسه الحمدلله روح انت علشان شغلك بكره..
جاسر لا مفيش تعب ولا حاجه انا هقعد شوية وهروح..
جاسر كان هيقعد على كرسي بس كان بيبص على كيان
وفجأه جه يقعد وقع على الارض..
جاسر اه..
كيان كتمت الضحكه بصعوبه على منظروا وهو واقع..
كيان انت كويس..
جاسر قام باحراج احم كويس..راحت الهيبه 
دهب قلقت على صوتهم وصحيت..
دهب في ايه هنا..
كيان اسفه يا ماما صحيناكى..
دهب بصت لجاسر باستغراب انت بتعمل ايه يابنى هنا فى
الوقت ده..
جاسر بارتباك ا. ا. اانا.
يتبع جاسر بارتباك لا ابدا كنت معدى من هنا فقولت اجى اطمن على كيان يعنى لو عايزين حاجه..
دهب باستغراب معدى من هنا وفى الوقت ده!
كيان كتمت ضحكتها بصعوبه خلاص يا ماما هو اصلا كان
ماشي.. صح
جاسر صح صح يالا سلام..
وخرج من الاوضه ومن المستشفى كلها..
دهب لاحظت بتضحك فى حاجه يابنتى..
كيان لا يا حبيبتى مفيش حاجه كملي نوم..
تانى يوم
اسيل ومليكه راحوا عند كيان المستشفى قبل ما يروحوا
الجامعه وجاسر كان بيجهز علشان علشان يروح الشركه
وكيان على نفس الوضع وبتخف تدريجيا اما داليا فكانت
بتفكر ازاي تخلي جاسر يحبها ويتجوزها..
فى قصر الجارحى
والد جاسر اه صحيح يا جاسر كيان عامله ايه سمعت انها
كانت فى المستشفى..
جاسر كويسه الچرح مكنش خطېر اوى..
امينه الحمدلله انا اول ما سمعت زعلت عليها اوى وخۏفت يكون حصلها حاجه..
داليا بعدم اهتمام هي من بقيت اهلنا يعني علشان تخافوا
عليها كده..
امينه ايه اللي بتقوليه ده يابنتى كيان دي طيبه اوى وجدعه
غير كده هي شريكيتنا فى الشركه..
داليا مدتش للموضوع اهتمام وجاسر بصلها بقرف.. فى
الحقيقه جاسر مش بتعجبوا تصرفات داليا ولا طريقه لبسها
نهائى وشايف ان هي مدلعه زياده بس ملوش حق يتكلم
وعمو واخواتها موجودين..
عند كيان
كيان اوف بقا انا عايزه اروح..
دهب ياحبيبتي انتى لسه خارجه من العمل يات امبارح مش
هينفع تخرجى..
كيان وهي بتربع اديها زي الاطفال مليش دعوه انا زهقت
مش بحب قاعده المستشفيات دى وبعدين انا ورايا شغل
زمان الشركه دلوقتى متبهدله من غيري..
وهي بتتكلم الباب خبط..
دهب اتفضل..
دخلت مروه..
الف سلامه عليكي يا كيان هانم..
كيان بابتسامه الله يسلمك يا مروه تعالى ادخلي..
مروه ايه اخبارك دلوقتى ان شاء الله تكونى بخير..
كيان احسن من الاول الحمدلله..
قوليلي بقا ايه اخبار الشركه..
مروه هو حضرتك كنتى موجوده امبارح والنهارده انا لسه
مروحتش فاضل نص ساعه على معادي ف لسه مفيش جديد
دهب قوليلها يابنتى دى قرفانى كل شوية الشغل الشغل عامله زي الاطفال..
كيان ايه يا ماما هيبتى
مش كده..
مروه ههههه ربنا يخليها ليكي يا طنط.
استأذن انا بقا علشان متأخرش..
كيان مروه محدش يدخل مكتبى وانا مش موجوده.. اقولك اقفلى الباب بالمفتاح.. او اقولك ا
مروه هههه ايه كل ده مين هيدخل مكتب حضرتك يعني
وانتى مش موجوده
كيان معليش الاحتياط واجب برضو..
دهب حطت كف على كف بقله حيله..
عدا اليوم منغير جديد وبعد ما جاسر خلص الدوام اتجهه
على المستشفى بعد تردد كتير انو يروح..
جاسر يعني اعمل ايه دلوقتى اروح ولا مروحش اروح ولا
مروحش.. اممممم انا اروح ليه اصلا انا مالي.. لا لا هروح
هي شريكتى وزميلتى في الشغل مينفعش مروحش عيب
فى حقى.. اوووف خلاص هروح واتجهه المستشفي واشترى
بوكيه ورد..
كيان كانت نايمه على السرير بس بتبص ناحيه شباك الاوضه..
الباب خبط بهدوء وجاسر دخل كيان لفت وشها تشوف مين
لقيتوا هو.. كيان باستغراب جاسر! وكانت هتقوم تعدل
قاعدتها بس جاسر وقفها..
جاسر استنى استنى متقوميش خليكي نايمه..
ادالها الورد وكيان بصتلوا بابتسامه جميله.. حتى وهي تعبانه
وباين على وشها الارهاق الا انها لسه جميله زي ما هي..
بشعرها الاسود الناعم اللى في بعض الخصلات البنى وعيونها
البنيه زي القهوه وشفايفها الحمره وملامحها الرقيقه..
كيان شكرا على الورد..
جاسر العفو.. انا كنت خارج من الشركه فقولت اعدي عليكي
يعني اكيد قاعده لوحدك وزهقانه..
كيان اه فعلا زهقانه جدا ماما روحت علشان تغير هدومها
وتجيبلى هدوم واسيل ومليكه فى الجامعه وقاعده لوحدى..
جاسر امممم اديني قاعد معاكى اهو نعمل ايه بقا..
كيان مش فاهمه هنعمل ايه يعني..
جاسر تعالي ننسى اننا شركه في الشغل وننسى كل اللى
حصل ده ونتعرف على بعض من الاول وجديد.. جاسر كان
مستغرب نفسوا جدا هو عمروا مع اتكلم مع حد بالطريقه دي
بيتكلم معاها بكل ارتياحيه..
كيان اوكاي يالا اسالنى..
جاسر بتحبى قرايه الكتب..
كيان امم جدا الكتب والروايات كمان وكتب علم النفس..
جاسر وانا..
كيان بتفكير امممم ايه اكتر لون بتحبوا..
جاسر الاسود.. وانتى!
كيان انا بحب كل الالوان مش بحب افرق بين اي حاجه خالص..
جاسر بضحكه خفيفه ازاي يعني..
كيان يعني مليش اكله مفضله مليش لون مفضل مليش وقت
مفضل مليش حد مفضل وهكذا.. مش بحب افضل حاجه عن
التانيه فاهمنى..
جاسر فاهمك.. شخصيتك غريبه..
كيان بغرور عارفه..
جاسر ههه خفى تواضع..
كيان ضحكت ضحكه سرح فيها جاسر وهي لاحظ واتكسفت..
كيان ها اسأل يالا دورك..
جاسر اممم ايه اكتر سنه صعبه مرت عليكي..
الابتسامه اللى على وش كيان اختفت..
كيان اممم مش عارفة اقول السنه اللى ما ت فيها بابا والا
اللى اتطرد فيها انا وماما واخواتى من البيت ولا الايام اللى
كانت