كنت رايحه بيت عمي

بنت وربنا يستر وماتطلعش البنت المجنونه التالته بتاعهم عشان تبقى كملت .. بصتله خطيبته ومقدرتش ترد عليه من كتر الضحك واخدها ياسين ومشيو وانا طبعا كنت ببص للاستاذ يوسف ومنتظراه يخلص ضحك وقولتله بزعل علي فكره يا يوسف انت متكلمنيش تاني انت فاهم .. حاول يوقف ضحكه وقالي بمرح ليه يا حبيبتي بس انا كنت بهزر معاكي والله وبعدين مش انتي الا بدأتي وقولتي عليا مچنون .. وقفت پغضب وقولتله خلاص يا يوسف ماتكلمنيش تاني .. وقف بسرعه ومسك ايدي وقالي خلاص متزعليش وصدقيني الكيكه بتاعك جميله بس ياسين هو الا مش بيفهم .. بصتله بحزن وقولتله لا يا يوسف هي مش حلوه وانا عارفه ان انا مش عارفه اعملها حلو بس انا كنت عايزه اعملك الحاجه الا انت بتحبها .. بعشق وقالي انتي الحاجه الا انا بحبها وصدقيني انا فعلا كنت باكلها وانا مستمتع جدا بوجودك معايا وكلامنا مع بعض ودا عندي اجمل من اي طعم .. ابتسمت وقولتله علي فكره انت بتعرف ازاي تضحك عليا بس المرادي مش هتعرف تصالحني لاني زعلانه منك بجد .. ضحك وقال ما احنا كنا قاعدين مبسوطين وبنتكلم مع بعض وبناكل الكيك بتاعنا الجميله لازم يعني ياسين يجي ويبوظ الليله .. ضحكت وقولتله طب سبني بقى عشان بجد زعلانه .. وقالي لأ مش هسيبك وهنسهر مع بعض ونكمل الليله وايه رأيك بقى ان انا هاكل دلوقتي بقيت كيكة الشكولاته دي كعقاپ ليا عشان زعلتك .. طبعا انا مقدرتش امسك نفسي وفضلت اضحك علي كلامه وقولتله يعني الكيكه بتاعي بقت عقاپ
ليك كمان .. ضحك وقالي دا احلى عقاپ .. طبعا مقدرتش افضل زعلانه منه اكتر من كدا وسهرت معاه وفضلنا نتكلم عن خطيبة ياسين الا واضح انها بنت كويسه ورقيقه ومحترمه وافتكرت سهر بنت عمي وحزنت علي الا بقت فيه دلوقتي وافتكرت اخر مكالمه بيني وبين ماما لما قالتلي ان سهر هتتجوز راجل كبير في السن وزوجته متوفيه وعنده اولاد كبار وقالتلي ان عمي وافق عليه من غير ما ياخد رأي سهر وقال انه مش مقتنع بقسيمة الزواج والطلاق الا بقوا معاها دلوقتي وانه مش هيرتاح غير وهي علي زمة راجل بجد ووافق علي اول عريس جالها وللأسف كان كبير عنها بكتير ومش مناسب ليها ابدا بس هي الا ډمرت حياتها من الاول وغلطت غلطه مابيجيش بعدها اي حاجه صح واتكلم معايا يوسف وخرجني
من تفكيري في موضوع سهر وكملنا سهرتنا واحنا بنتكلم وبنضحك وطبعا اكل يوسف باقي الكيكه فعلا يا حرام ... وكانت حياتنا انا ويوسف كدا وبجد
انا عشت معاه اجمل ايام في حياتي واجمل حاجه ان معاه كل يوم مختلف عن
دايما متابعه كل تحركاته عشان اشوف اخرتها مع موضوع انه مابيحبش يزعل حد دا وجريت ايام ورا بعض وبقيت في الشهر ال من الحمل وطبعا كنت متابعه الحمل مع دكتور معتز
صاحب يوسف وليكم طبعا التخيل البنت الا في بطني دي لما يكون باباها يوسف وانا مامتها ومعتز الدكتور المچنون الا متابعه معاه الحمل تخيلوها هتطلع عامله ازاي .. رواية الجمال جمال الروح بقلمي ملك إبراهيم ...
بعد كام يوم كنت قاعده انا ويوسف وتليفونه رن ولقيته رد وقال الو .. اهلا أنسه بهيجه .. لأ ابدا مفيش قلق ولا حاجه انتي تكلميني في اي وقت ... تمام ماتقلقيش انا نص ساعه وهكون عندك اطمني .. مع السلامه .. وقفل تليفونه وقام وقف وقالي حبيبتي انا لازم اروح المستشفى حالا وطلع علي اوضتنا عشان يلبس .. وطبعا انا كنت هتجنن وانا بفكر مين بهيجه دي الا بيكلمها وعايز يروحلها بسرعه وطلعت وراه علي اوضتنا ولقيته لبس وكان حلو أووي بجد قمر ودا كان بيجنني اكتر لاني كل ما بشوفه قمر كدا بتزيد غيرتي عليه اكتر ...ووقفت قدامه وقولتله انت متشيك اوي كدا ليه .. بص لنفسه بدهشه وقالي انا زي ما انا حبيبتي ودا لبسي العادي .. رديت بغيظ وقولت في سري ما هو دا الا هيجنني ان دا العادي بتاعك انك تكون قمر كدا .. قرب مني وهو بيبتسم وقالي سرحانه في ايه .. بصتله وانا بفكر في حجه عشان اروح معاه المستشفى واشوف البنت الا كلمته دي شكلها ايه وقولتله انا افتكرت ان انا عندي ميعاد المتابعه النهارده مع معتز .. بصلي بدهشه وقالي لأ يا حبيبتي انتي ميعاد المتابعه بتاعك الاسبوع الجاي انا فاكر .. بصتله وانا عارفه ان عنده حق بس حاولت اشتت تركيزه وقولتله لأ ميعاد المتابعه النهارده وبجد مش مصدقه ان انت تنسي حاجه زي دي ..انت مابقتش مركز معايا ولا بقيت مهتم بيا زي الاول انت مابقتش تحبني يا يوسف .. بصلي بدهشه وقالي ياحبيبتي انا عمري ما انسي اي حاجه تخصك وصدقيني انا متأكد ان ميعاد المتابعه بتاعك لسه الاسبوع الجاي .. قولتله وانا متأكده انها النهارده ولو انت مش عايز تاخدني معاك المستشفى روح انت وانا هاجي بتكسي .. بصلي بقلة حيلة وقالي لا طبعا يا حبيبتي هاخدك معايا واجهزي يلا وانا هستناكي .. وفعلا جهزت بسرعه وروحت معاه المستشفى وانا هتجنن واشوف البنت الا كلمته دي واخدني ودخلنا غرفة الكشف عند معتز الا بصلنا بدهشه اول ما دخلنا وسألنا بقلق يوسف!!داليدا!! في ايه خير ..بصلي يوسف وقاله النهارده ميعاد المتابعه بتاع داليدا انت نسيت ولا ايه .. رد عليه معتز بتأكيد وقاله لأ طبعا مش النهارده دا الاسبوع الجاي .. ضحك يوسف وبصلي بسخريه وبعدين بص ل معتز وهو بيتريق عليا وقاله لأ ميعاد المتابعه النهارده وبجد مش مصدق ان انت تنسي حاجه زي دي ..انت مابقتش مركز معايا ولا بقيت مهتم بيا زي الاول انت مابقتش تحبني يا معتز .. بصله معتز وهو مش فاهم هو بيقول ايه و رد عليه لا بقى انا متأكد ان الميعاد بتاعكم لسه الاسبوع الجاي وشكلك كدا انت ومراتك فاضين وجاين تتسلوا صح ..طبعا يوسف كان بيتريق عليا وبيردد كلامي الا انا قولتهوله في البيت وطبعا معتز مكنش فاهم حاجه ولا فاهم يوسف يقصد ايه وانا طبعا كان شكلي وحش اوووي قدام يوسف وفضلت ابصله وانا محروجه بجد وبصلنا معتز وقال هي ايه الحكايه بالظبط .. اتكلم يوسف عادي عشان مايحرجنيش قدام صاحبه وقال الحكايه ان داليدا حسه بشوية
تعب وانا قولتلها تيجي معايا المستشفى عشان انت تكشف عليها .. خلص كلامه مع معتز و وقالي انا عندي حالة دلوقتي ولازم اشوفها
ضروري جدا هروح 10 دقايق بس اشوفها بسرعه وارجعلكم تاني ماشي حبيبتي .. هزيت راسي وانا شايفه الضحك والتسليه جوه عنيه وسابني في غرفة الكشف مع معتز وراح هو يشوف الحالة بتاعه وطبعا اكيد الحالة دي الا تبع البنت الا كلمته وكنت سرحانه وبفكر ولقيت معتز خرجني من