هزيمه لاتستحق

مننا أهلك
مسك وصلت لبيت شمس وسمعت دوشه جوه فضلت تخبط جامد بقلق
شمس صړخت ياشمس إلحقينى عاوزين يموتونى
سليم سابها وفتح الباب ومسك شدت شمس وحضنتها تهدى فيها
اااه هيا ديه بقا اللى ساعدتك فى كل ده اه ماتلاقيها مالهاش أهل يسألوا هيا بتعمل إيه!
انا هرجعك ياشمس تتعاملى زى زمان
مسك صړخت پغضب عارف لو لمست شعرة منها انا مش هسكتلك ومش هيهمنى حد
سليم إيه يابت انتى هتمدى إيديك على راجل كبير ولاايه
مسك لاعاش ولاكان تكون ديه أخلاقى!!! إخص عليك ياجدو
سليم بصلها بإستغراب إومال
مسك إبتسمت هجيب راجل يتخانق معاك شوفت انا أصيله إزاى اى خدمه

شمس إتكلمت بعياط انا عاوزه اعرف انتوا بتعملوا كده ليه السنين اللى عشتها معاكوا مشوفتش يوم عدل معرفش ليه علطول ضړب وإهانه مسمعتش منكوا كلمه حلوه ولاطبطبه ولااخدت اى حنان منكم ده غير انكم كنتم هتجوزونى لراجل قدك يابابا تقريبا زهقت منى فقلت اوديها لواحد يربيها او أنا اكمل خدمتى لحد تانى كان ممكن متخلفوش والله طالما معقدين بالشكل ده انتوا مرضى وكان ممكن أطلع مريضه زيكوا وأذى ولادى اللى لسه حتى مشوفتهمش بسببكم انا رافضه فكرة الجواز عشان محاولش احسس الطفل اللى هجيبه ولو ذرة من اللى انا حسيته بدون قصد انتوا حرام تبقوا اب وأم انت جيت انهارده فتحتلى چرحى تانى بعد ماكنت بحاول أدوايه عارف لو كنت جاى تصالحنى او تحاول تصلح اللى عملته والله العظيم كنت هسامحك بس انت بوظتلى قلبى زياده حرام عليك ابعد عنى بقا وملكش دعوه بيا
مسك كانت بتطبطب عليها وبتعيط عشانها
سليم انتى فاكرانى هتأثر بالدموع ديه تبقى بتحلمى ياشمس
شمس لا مش فاكراك!! واحد زيك بجحود قلبك مش هيحس أصلا انت عايش من غير قلب وبما انك مش هتمشى من نفسك فاانا عندى مليون طريقع تخليك تمشى بيها طالما مش بالذوق يبقى بالعافيه وده سهل أصل هجيبه منين ماهو منك
سليم بصلها بقرف انا مش عاوزه اعبرك أصلا انا ماصدقت خلصت منك انا جاى اخد حقى منك بعد ماعملت سمعتى فى البلد وبقى ليا كلمه خربتيها
شمس بصتله بااستغراب هو انت جاى بعد 7 سنين تقولى اخد حقى!! ومن مين بنتك!! ده انت حتى لو بتكرهنى وعدوتك مش هتعمل كده انت محتاج تتعالج
سليم بتحدى وانا مش همشى هنتقم منك
شمس بإنهيار صدقنى انت مريض
مسك إتدخلت بذكاء طيب بما انك مش عاوز تمشى فالشقه ديه بإسمى وانا إتصلت بالبوليس وبلغت انك إقتحمت البيت وبتعتدى علينا وبالمره يكشفوا على قواك العقليه
سليم بص لشمس بغل طيب بما انى كده كده رايح فى داهيه فااقتلك بقا واخلص منك
سليم طلع المسډس ولسه هيضرب الڼار على شمس مسك وقفت قدامه وسحبت السلاح وضړبته على دماغه البوليس إقتحم المكان وكشفوا على صحته العقليه وإكتشف أنه مختل عقلى وحبس فى المصحه وتخلصت شمس من كابوسها ولكن بچرح أخر. 
.
.
.
بعد فتره مسك كانت بتحاول تخفف عن شمس لانها دخلت فى إكتئاب 
نزلت شغلها
قاسم قابلها بإبتسامه مبروك كسبنا الصفقه حتى وانتى فى البيت كنتى بتساعدينا بشكل كبير اووى بجد انتى موهوبه ولاتكونى كنتى واخدها تحدى عشان يونس
مسك إبتسمت داخل عليا حامى أووى ياقاسم باشا عالعموم مبروك لينا نجاح الصفقه وانا مش محتاجه ادخل فى تحدى عشان أثبت لحد حاجه يونس شخص ملوش مكان فى حياتى فمين هو أصلا عشان أثبتله أظن انت بتحاول تثبت لشخص انت بتحبه او شخص بيكرهك انك شاطر فى الحاجه اللى بيتحداك فيها