منتهي القسۏه

مهجه ولو ما تمتش الجوازه دي يبقي موسي وسهام مستحيل يرتبطوا
موسي اجبر مهجه تتزوج ابن العمده عشان يتزوج من سهام ولما رفضت منعها من الخروج وكان بيضربها كتير اوي وزوجها ليه زواج اجبااااري عاشت معاه شهر واختفت ومفيش حد يعرف مكانها
في بيت زيزي 
هيثم اي يا ست الكل مالك زعلانه كدا لي 
لا ياابني مش زعلانه ولا حاجه كنت مستنيه عمرو يرجع كان خارج يشوف شغل وخاېف ما يلاقيش
ان شاء الله هيلاقي 
بعد شويه رجع عمرو وواضح عليه التعب والزعل كمان 
الام اي يا حبيبي مالك
عمرو مفيش ياامي مفيش حد موافق يشغلني معاه العاصي منع كل الشركات انهم يشغلوني
العاصي دا كان حماه تمام
الام بقولك اي يا حبيبي روح استسمحه واطلب منه يشغلك وارجع لعروستك 
عمرو اي اللي بتقوليه دا يا امي استسمح مين انتي نسيتي عملوا اي
الام لا ياابني بس انت كدا حياتك هتخرب
عمرو كانت هتخرب اكتر ياامي لو اتزوجتها
الام انا السبب ياريتني وقفت بعيد و
عمرو ما تكمليش يا امي انا كدا مرتاح وبعدين اختار اللي هتاخد بإيدي للجنه
واسيب اللي الجنه تحت اقدامها طب بذمتك والنبي دي كانت واحده تاخد بإيد حد للجنه عشان تاخد بإيدي اضحكي ياست الكل وماتزعليش وان شاء الله ربنا هيدبرها من عنده
فضل عمرو والام وهيثم يتكلموا وانضمت ليهم زيزي بعد ما جابت ليهم بعض المسليات وبدءت بينهم سهره جميله قطعها خبطة الباب فتحت زيزي
كان اتنين جاردات ضخمين جدا زيزي اول ما شافتهم جريت علي جوا من الخۏف دخل الجاردات وواضح عليهم ان شكلهم مش بيبشر بالخير ووقفوا قدام عمرو
يتبع
الفصل السابع
موسي بيته اتحرق قبل وصول اهل البلد ليه هما كانوا ناويين ېحرقوه اصلا لكن راحوا لقوه احترق وعمرو راح ليه اتنين جاردات وشكلهم مابيبشرش بالخير
عمرو اول ما شاف الجاردات وقف وظن ان نهايته خلاص مستحيل هيعدي من ايديهم والدته وقفت قدامهم وقالت 
ابوس ايديكم ماتعملوش فيه حاجه هو هيروح يعتذر من الست هانم ويستسمح البيه يسامحه
لكن الجاردات مااتكلموش ابوس رجليكم بلاش تإذوه
عمرو انتي بتعملي اي يا امي ورفعها من علي الارض اوعي