بين العشق والقدر
انت جايبنا تهزأنا على العموم كتر خيرك احنا ماشيين
مراد قال وهو ماسك فكة پألم انا اصلا مستحيل افضل هنا لو حابه تقعدي انتي خليكي انا ماشي
رقبه قالت وانا ماشيه معاك كمان يلا بينا ولسه هيمشو وهبي وقف قدامهم وقال حقكم على راسي يا بتي استهدو بالله وانا هجيبلو يستسمحك يا باشمهندس
مراد قال بضيق ولا يستسمحني ولا يجي جمبي وانا احترمت اني في بيتكم علشان كده مردتلوش الي عملو يلا يا رقيه
وهبي قال بسرعه عداك العيب والله اصيل ومتربي وعشان كده بطلب منك تسامح وتقعدو علشان خاطري دي بت ولدي انا نفسي اجوزها وافرح بيها امسحها فيا انا بتحايل عليك اها
وهبي قال يا ولدي معلش اعذرو هو اتفاجأ بس وانا والله ما هخليه يقربلك تاني وبص لرقيه وقال علشان خاطر جدك
يا بتي لو ليا معزه عندك
رقيه اتنهدت وقالت اكيد ليك يا جدو وبصت لمراد وقالت معلش يا مراد علشان خاطر جدي عديها بس المرادي
مراد قال پغضب انتي بتقولي ايه ده ضړبني في بيتو لا طبعا
وهبي قال اقعد بس ارتاح يلا انا هسبكم تتحدتو على راحتكم بس بس علشان خاطر الراجل العجوز الي بيتحايل عليكم ده لتقعدو ماشي
مراد بصلها بضيق وقال لا على فكره موجعتنيش من الاول اصلا انا سكت علشان خاطرك وعلشان جدك بس انا تبهدلت والله دي ما عمايل بني ادمين ده ايه الطور ده ازاي كنتي مستحملاه اصلا
رقيه ضحكت وقالت ده انت لسه مشوفتش منو حاجه ابدا
في المكتب كان جاد رايح جاي هيحرق الارض من تحتو من كتر الڠضب وبيتنفس بقوه وعصبيه
ضړب على المكتب بكل قوتو وهو بيفتكر اديهم وهما ماسكين بعض وهيه بتقول
خطيبي مسك ساعه كانت على المكتب ولسه هيرميها على الارض دخل وهبي وقال بسرعه اوعي تكسرها هكسر دماغك بالعكاذ هملها دي عزيزه علي واتنهد وقال دي من ابوك الله يرحمو
وهبي اتنهد وقال والله يا ولدي ما قصدت اضايقك انا كنت عابز اقولك بس بس مقدرتش يا ولدي سامحني
جاد قال بسرعه واتقولي ليه تجيبها هنا ليه اصلا ما تتجوز بعيد عننا مش كفايه انها هتتجوز كمان هنجوزها
وهبي ضحك وقال طيب اقعد اقعد واهدى اول حاجه يا ولدي انت اكيد عارف ان رقيه ليها هنا زي ما ليك بالظبط ابوك وابوها الله يرحمهم كانو سوا في التجاره وشركا في كل مليم وماټو سوا كمان واتحرق قلبي عليهم معرفتش اعيش غير علشانكم كان نفسي تفضلو جمبي ودلوقتي حتى اني اقف معاها يوم فرحها مستكترها على يا ولدي
جده قال بسرعه لا لا طبعا مش زين امال مين الي هيعمل الفرح ويشرف على كل حاجه انت عارف اني مقادرش وبالعافيه بتحرك
جاد بصلو بدهشه وقال يعني ايه عايزني اجوزها كمان هو انت بتضايقني قاصد يا جدي
جده ضحك وقال لا يا ولدي لا بضايقك ولا عايز ازعلك انا ليه مين غيرك يا جاد كل الحكايه انك عارف اني بعتمد عليك في كل حاجه علسان خاطري بقى متصغرنيش قدامهم وكمل بخبث وقال ولا تصغر نفسك عايز الناس تقول انك مقدرش تشوفها بتتجوز وهملت دارك بردك ده كلام يا جاد ده انت اكترواحد عارف الكلام ده زين
جاد اتنهد بضيق وقعد وهو هيتشل قال پغضب اطلع انت
قولهم يترزعو لما اشوف اخرتها بس يكون في علمك يخلص الفرح يغورو من هنا سمعتني يا جدي
