روايه جميلة بقلم منه فواد
ماما شويه وبعد الفطار هجيلك نتكلم
هستنا تكلمني
ماشي
طلعت البيت
السلام عليكم يا ماما
وعليكم السلام
تحبي اساعدك في حاجه
انتي كويسة ياجميله
ايوا لي
اصلك اول مره تقوليلي كده
انا غلطانه انا رايحه انام
لا تعالي ساعديني في الفطار بركاتك يامحمد بركاتك
عملت الفطار مع ماما وفطرنا بعد صلاه المغرب لقيت محمد بيرن عليا
انزلي يلا علشان نصلي التراويح
حاضر
نزلت وصليت صوت محمد في القران جميل جدا وبعد الصلاه....
تحبي نتمشي شويه
موافقه
مبسوطه
مبسوطه جدا أول مرة أكون مبسوطه كده عارف يامحمد بقالي كتير محسيتش إني مرتاحه ومبسوطه كده شكرا يامحمد
انك سيبني براحتي ومش بتجبرني على حاجه
الزواج موده ورحمه ياجميله صحيح انا بحبك بس أنا مش اقدر اجبرك أنك تحبني لكن المعامله الحسنه والكلمه الطيبه اقدر اخليكي مبسوطه
كلامك جميل أوي
ثانيه واحده وجاي
حاضر
محمد مشي وأنا فضلت قاعدة في مكاني متحركتش حاسه إني مبسوطه ومرتاحه في البس الواسع حاسه إني مميزه عن بقيت البنات اللي ماشيه جمبي و....
احممم احممم بتفكري في أي
حاسه إني عايزه أتغير
طب خدي الورد دا ياورد
الله حلو أوووي أنا بحب الورد
والورد بيحبك
فضلت بصاله كتير أول مره أشوف ملامحه من قريب وأدقق فيها إي القمر دا بجد...انا كنت هبقى غبيه لو رفضتك فوقت من شرودي على صوت نحنحته جماعه مش بأڤور بس بأمانه بحب أسمع صوت نحنحته دي آه وربنا
هو انت ازاي شيخ وبتقول كلام حلو ورومنسي كدا
الشيخ بيكون إنسان بردو عنده مشاعر وأحاسيس زي بقيت الناس الرسول صلى الله عليه وسلم كان عايش قصه حب مع السيده خديجه والسيده عائشه رضي الله عنهما ناس كتير شايفه أن الشيوخ ناس معقده ومش بيحبوا مع أن العكس خالص الشيوخ ناس عايشه حياتها عادي زي بقيت الخلق لكن باختلاف وأنهم بيحاولوا يقربوا من ربنا اكتر وبياخدو بالهم من كل صغيره وكبيره في حياتهم وبيخافوا من ربنا وبيحافظوا على نفسهم واهل بيتهم وأهلهم
ربنا يحفظك ويكرمك يامحمد
امين يارب ويبارك فيكي ليا
امين
