روايه للكاتبه فاطمه عيد

قهوته الصباحيه ليأتي يونس من خلفه اي ده غراب فالبيت اول مره اشوف غراب فالبيت
غيث والله مافي غراب غيرك
يونس ماتغير الاسود ده اي جوزك ماټ ياخاله
غيث امشي يالا من هنا انا فايق ومش عايز اتعصب عليك
قال كلماته واتجه الي هاتفه ليشغل اغنيه لفيروز
قال كلماته وكان والده يقف خلفه ليقول مين اللي رخم ..احترم اخوك ياغيث شويه ولا هو عشان الصغير يعني تهزئه
يونس حبيبي ياحج والله هو انا بعشقك من شويه 
يونس هو سياده اللوا ميتبلش ف بوقه فوله ... وانا اللي قولت انك رضيت عني
محمد شوف مهما عملت مش هرضي عنك الا اما تسمع الكلام وتتجوز
يونس لايعم بعد الشړ....جوز غيث الاول ده حتي هو الكبير
غيث ماهو هيحصل فعلا ...وريني شطارتك ياقلب غيث ....هتتحجج بايه من بعدي
يونس منك لله ياشيخ الهي تعنس وماتلاقي كلبه تعبرك
محمد يلا انت وهو عندنا شغل
يونس لا انا ف اجازه
محمد ف اجازه
يونس اها اجازه.....من حقي استجم شويه
محمد كسر حقك يابعيد .....حق اي ياابو حق ...حق اي يافاشل
يونس انا حاسس لو غلبت فالقضيه دي اكتر من كده وبالذل ده انا هقول أن انا هو واخلص بقا ذنبي ف رقبتكم
محمد اشمعنا
يونس هتعدم ظلم كده
محمد اتكل علي الله انت بس واحنا هنكفر عن ذنوبنا متشيلش هم
يونس مش من قلبك لا انا عارف انك بتحبني
محمد امشي يالا من وشي
قطع كلماتهم دخول مهاب قائلا صباح الخير ياعمي
محمد پغضب خير وانت موجود ازاي...مش بتيجي ليه ده انت وحشتنا حتي
مهاب متشوفش وحش يارب
محمد مانا شوفت هو في اوحش منك 
مهاب انت مبتعاملنيش زي ولادك ليه ياحج 
محمد عشان نسوانجي 
دلف إليهم زين وبيده بعض الملفات قائلا معلش ياغيث أن جيتلك البيت دلوقتي بس الاوراق دي محتاجه تتمضي
غيث هاتها 
محمد بابتسامه صباح الخير يازين
زين صباح النور ياعمي عامل اي
محمد انا كويس انت عامل اي
زين بخير والله بس محتاج حد معايا فالشغل بقا
محمد حاضر هعين ناس جديده عشان خاطرك ...قولي انت فطرت
زين اها متقلقش
يونس ومهاب معا اي ده اشمعنا زين بتعامله كده
لم يكمل كلماته ورن هاتف زين ليقول رد يابني
زين مش مهم دلوقتي ياحج ده رقم غريب
محمد رد يمكن حد محتاجك
اجاب علي هاتفه الو
ضحي الو اخص عليك يازين كل ده مش بترد عليا
زين بتوتر معلش ڠصب عني
ضحي بصوت علي ڠصب عنك ..هيهيهيهيهيهي يجوز برضو
يونس بابتسامه العب ...شوفت ياحج شوفت اهو طلع بتاع نسوان زينا
اغلق زين الخط قائلا طب انت سمعت استر عليا
محمد محاولا كتم ضحكاته لا مانا كمان سمعت اصل صوتها كان عالي اوي .....خسرات المدح اللي ضيعت في وقتي ...يلا ورانا شغل
غيث روحو انتو انا هاجي مع حور
محمد تمام
استقل كل منهم سيارته وانطلق غيث بسرعه تجاه ڤيلا الغمري...
وصل إليها وقال لاحدي الخادمات ممكن تناديلي حور
لتأتي هي من خلفه بابتسامه انا هنا اصلا ...صباح الخير
غيث صباح العسل ..اي الضحكه دي بس
حور بخجل مالها
غيث حلوه اوي
حور احم احم.... وبعدين
غيث وبعدين تعالي نفطر ف اي حته ونتمشي شويه قبل الشغل
حور كده هنتأخر...وباباك هيزعق
غيث عادي ...هيخصملنا بس عشان بقا بيعاملنا زي اي موظف عادي
حور ما كله بسببك
غيث لا بقولك اي هتنكدي هرجع 
حور لا لا خلاص يلا نخرج
في ڤيلا المنشاوي 
جلس يونس في الحديقه برفقه مهاب وهم هيتناولون القهوة ليلاحظ صمت مهاب الغير معتاد ليقول مهاب مالك
مهاب موضوع تافه شويه بس شاغلني
يونس من امتي بتخبي حاجه احكي يمكن اقدر اساعدك
سرد له ما حدث في مقابلته مع ادم
ليقول يونس هو رخم...بس سهله ..انت بتقول أنه بيتلكك عشان يفضل رابطتها جنبه
________________________________________
بس هو فكر كده عشان هو غبي هي ممكن تبيع نصيبها لاي حد مش شرط هو
مهاب تصدق فكره حلوه ازاي مفكرتش فيها
يونس وانت من امتي بتفكر يامهاب
مهاب ماتتلم شويه ....فكره حلوه بس فين المشتري ده هيجي امتي اصلا
يونس بعد تفكير انا اشتريها ...بلغها اني هشتري نصيبها بالتمن اللي تطلبه
مهاب بس انت ماتعرفش فالطب واي مصېبه هتتحاسب عليها معاه
يونس هبقي اتواصل معاها من بعيد لبعيد وافهم منها طبيعه الشغل أو تيجي بنفسها ومعاها حرس من بتوع ابويا عادي
مهاب هشوفها واقولك
يونس بلا مبالاه ماشي
جلست تغريد في غرفتها تقول وهي تنظر ف المرأه بني ادم رخم وهي زباله اوي ازاي تحط ايديها عليه كده 
اتت والدتها من خلفها هي مين وحطت أيدها علي مين
تغريد بتوتر ها ...لا....اصل ده فيلم
منار بشك وغيرانه ليه أما هو فيلم
تغريد اصل البطل كان بطل اوي بصراحه وقمر وانا مبحبش البطله
منار ماشي
خرجت والدتها من الغرفه لتتنهد بارتياح وتقول نهار اسود ...هو انا غيرت بجد عليه ..طب ليه ...طب ازاي ...اغير عليه اي هو انا بطيقه ....عايزه اشوفه....لا يارب مااشوفه تاني....بس هو دمه خفيف.....لا ده انسان زباله أناا مبحبهوش...يوه بقا ..هو انا ممكن احبه....لا لا لا اكيد لا...اي الزهق ده اما اقوم اكل
في أحدي المستشفيات بالإسكندرية 
ظابط الشرطه احنا لقينا بطاقتهم