حكاية طنط عزه

_ لما ماما ماټت .. بابا أتجوز طنط عزة علطول .. مكنتش عارف ليه بتعاملني وحش اوي كدا .. ما انا مكنتش بعملها حاجة خالص .. كانت تقولي روح وتعالى وأقعد واسكت وكل اللي عليا اني بهزلها راسي بالموافقة حتى مكنتش بتكلم علشان متضربنيش زي ما بتعمل لما بابا بينزل على الشغل بتاعه.. وفي يوم كنت مستني بابا يرجع من الشغل كالعة علشان لانه بيوحشني اوي طول اليوم وبحس من غيره اني وحيد 

أصلي بحب بابا اوي اوي .. لانه كان بيلعب معايا وبيجبلي كمان شيكولاته .. أه والله .. شيكولاته بقى وشيبسي وحاجات كتير.. بس في يوم لقيت طنط عزة
_ يا فايز ماينفعش اللي بيحصل فيا ده .. أنا لسه عروسة جديدة وعمار أبنك مش راضي يسكت طول اليوم .. ولا حتى راضي يسمع كلامي .. أقوله أقعد يقولي لأ ويفضل يتنطط على السرير ويبهدله وكل شوية أدخل أنضفه يرجع يبهدله تاني .. انا تعبت يا فايز شوف لك حل بقى.. لو مش مصدق تعالى اوريك.
أنا كنت واقف جنب بابا وماسك ايده.. ساب ايدي ودخل معاها عند أوضتي .. فضلت واقف وانا باصص عليهم من بعيد وكنت مستغرب اوي .. ما انا معملتش اللي طنط عزة بتقوله لبابا ده .. قربت من بابا خطوتين ولسه هقوله يا بابا.. سمعت طنط عزة بتقوله 
_ أهو يا فايز شوفت .. صدقتني .
_ مصدقك يا روحي .. بس بقى متعيطيش .. هنقلبها نكد ليه بس .
ردت على بابا وقالتله وهي موطيه صوتها 
_ عايز تصالحني .. ودي عمار عند عمته.
بصراحة بابا زعق فيها جامد وسابها ومشي وهو بيمسكني من ايدي وبيقولي 
_ تعالى معايا يا حبيبي .
_ عمار .. مش انت عارف
ان بابا بيحبك اوي .. صح.
قولتله وانا فرحان 
_ صح يا باابا وانا بحبك اوي .
طيب يا حبيبي .. ايه رأيك تروح تقعد عند عمتك صفية ومع فهد وخديجة ولاد عماتك.
اتضايقت ودبدبت برجلي في الارض وانا بقوله 
_ لا مش بحبهم دول بيضربوني .. مش هروح ماليش دعوة بقى.
ولد .. إسمع كلامي .. ايه انت خدت على الدلع ولا ايه .. هتروح ورجلك فوق رقابتك .. ويلا أتزفت البس عشان هوديك .. يلا انت لسه واقف .
كانت اول مرة يا اصحابي أشوف فيها بابا بيزعقلي كدا وكان هيضربني لولا اني دخلت اوضتي وانا بعيط ولقيت طنط عزة بتضحك وبتقولي 
_ تعالى يا حبيبي هطلعلك هدوم تلبسها وبالمرة هحضرلك الشنطة وهحطلك فيها كل حاجة نفسك فيها .. اقولك .. وهحطلك الالعاب كلها كمان.
قولتلها پغضب 
_ ملكيش دعوة بيا .. انا مش بحبك .. انتي وحشة .. انتي اللي قولتي لبابا يوديني عند عمتي صفية .. انتي
السبب.
بصت بعنيها برة وانا