ابن صاحب الشركة بقلم ايه محمد

ذنبه ااي.. انه حبك.. فارس كان عاوز يتقدملك دا لا غلط ولا حرام..
عبد الله خبط علي الباب و دخل و وراه فارس و هو بيبصلها ب توتر و قلق...
عبد الله الحمد لله ي بنتي أن حقك هيرجعلك.. دلوقتي تقدري ترجعي لحياتك القديمة لو عايزة.. يمكن ربنا بعتك ليا تعوضيني غياب بنتي و حبيبتي و كنتي نعمة في كل الفترة اللي فاتت دي..
غرام بدموع بس أنا مش هبعد عنك ولا هسيبك.. أنا بنتك..
عبد الله و هتفضلي بنتي لحد م أموت و أنا هستناكي ترجعي البلد هنا عروسه ل ياسر بس أنتي كنتي دايما تقولي نفسي أشوف بابا و اهي جات الفرصه ارجعي لأبوكي أكيد قلبه واجعه عليكي...
فارس غرام أنا أسف...
غرام علي اي انا خلاص عرفت كل حاجه.. بعد أذنك ي بابا تتصل ب ياسر يجي عشان أقوله...
عبد الله حاضر..
فرح و أنا هساعدك تجهزي حاجتك..
قاسم و أنا هتصل علي خالد ميجيش بقي.. يلا ي فارس..
قاسم و فارس خرجوا تاني و كلموا خالد و فرح ساعدت غرام في تجهيز حاجتها اللي هتاخدها لحد م ياسر وصل...
غرام ياسر أنا هرجع القاهرة عند بابا و انا كنت حابه أنه أعرفه عليك..
ياسر فرح أنها أهتم ب أنه يكون موجود معاها يمكن للمره الأولي..
ياسر أكيد هحب أوي أتعرف علي والدك..
غرام و كمان عشان نحدد معاد تاني لكتب الكتاب أو نخليه في الفرح وخلاص..
ياسر اللي تحبيه.. هروح البيت لحظة علي م تجهزي..
غرام تمام..
ياسر مشي و غرام جهزت و خرجت و ياسر غير هدومه و جه بعد شوية و فارس و قاسم حطوا حاجه غرام في العربية.. 
فارس كان هو اللي بيسوق العربية و جمبه ياسر و قاسم قعد ورا جمب فرح و جمبها غرام.. 
أول م وصلوا غرام كانت متوترة و خاېفة من ردة فعل والدها لما يشوفها..
غرام فرح هو مين قال أني هربت مع واحد!
فرح الناس.. الناس المؤذية ي غرام و واحد جه قال أنه فعلا شافك مع واحد و بتركبوا القطر في المحطه و أنا بصراحه مش عارفه اي الجبروت دا..
غرام حسبي الله و نعم الوكيل فيه..
فرح بقلق غرام م تخليكي في العربية هنا و أنا هطلع أمهد الموضوع لبابا عشان أنا.. خاېفه أول ما يشوفك يتعب..
غرام بحزن اللي أنتي شايفاه..
فارس و أنا هاجي معاكي.. هات تليفونك ي قاسم..
قاسم اتفضل و انا جاي وراكم..
فرح تمام يلا..
فرح طلعت هي و فارس و قاسم أخد العربية يركنها..
فرح أول م شافت أبوها جريت عليه حضنته و سلمت علي عمتها..
فارس السلام عليكم..
جلال وعليكم السلام ي فا... ااي دا ألف مبروك رجوع صوتك..
فارس الله يبارك فيك ي عمي..
عايدة أومال قاسم فين!
فرح بيركن و جاي..
عايدة كتب الكتاب كان حلو و العروسة حلوة ولا لا!
فرح بقلق هو كتب الكتاب محصلش..
جلال ليه كدا!
فرح بابا.. فاكر الشخص اللي جه و قالك إنه غرام هربت مع واحد..
جلال بص لفارس اللي كان واقف و بص لفرح پغضب إزاي تفتح موضوع زي دا قدامه..
جلال أقفلي اي كلام في الحكاية دي..
فرح لو قولتلك إنه كداب.. لو قولتلك أنها بريئة من التهمة دي و اني معايا الدليل كمان..
جلال دليل!
فرح هات ي فارس التليفون..
فرح أخدت التليفون و شغلت التسجيلات كلها قدام والدها اللي كان بيسمعها پصدمه..
فرح أحنا ظلمناها ي بابا و صدقنا مجرد كلام عليها..
جلال و هي فين كل السنين دي!
فرح مكانش عندها الجرأه أنها ترجع بعد م حضرتك تعبت.. شافت أنها الأفضل تبعد..
عايدة بدموع و أختك فين دلوقتي عرفتي مكانها!
فرح أيوا..
جلال هروحلها.. يلا ي فرح..
فرح ثانية واحده بس..
فرح مسكت تليفونها ورنت علي ياسر عشان يطلعوا.. ياسر بص ل غرام و حاول يطمنها وقالها لازم يطلعوا..
قاسم أتحرك الأول قدامها و وراه غرام و ياسر.. أول م دخل وقف علي جنب الباب و غرام دخلت و شافت ابوها واقف مستنيها..
غرام بدموع بابا..
جلال مرجعتيش ليه! مرجعتيش ليه و فهمتينا كل حاجه..
عايدة قربت منها و حضنتها و هي بټعيط و جلال لسه مش متدارك الموقف..
غرام ي بابا أنا.. أنا مقدرتش كنت خاېفه و لما مشيت بعدها عرفت أني.. محتاجه مركز معالجه و

قعدت فيه كتير و كل وقت كان بيعدي كان بيأكد الكذبة اللي اتقالتلكم عني..
جلال الذنب ذنبي إني صدقت..
غرام أنا أسفة ي بابا.. بسببي أنت تعبت و..
حضڼ والدها ليها قاطع كلامها و اي كلام تاني في المكان و لفترة مليانة بالعياط و الحزن مع شعور من الفرحه..
فرح خلاص بقي ي جماعه هو انتوا في اي حاجه عياط في الفرح باكي و في الحزن باكي بردو..
جلال بس ي بت أنتي..
فرح أهلا أهلا انا حاسه كدا أني اسيبلكم الجو و امشي..
جلال بضحك تخيلي ي غرام البت الصغيرة اللي كانت قارفانا دايما هي اللي شالت المسئولية و مقصرتش في اي حاجه..
غرام أصدق طبعا دي فرح و طول عمرها