روايه رائعه منقوله

الشخصيات
شاهين الألفي 34 سنة مطلق و عنده ولد مريض لا يعرف
عصبي صعب الطباع مهوس بالسيطرة له هالة مخيفة ټرعب كل من يراه 
كاميليا محمود سنة جميلة جدا لكنها فقيرة تدرس الهندسة تنقلب حياتها رأسا على عقب بعد التقائها بشاهين الألفي
أيهم البحيري 34 سنة صديق شاهين منذ الطفولة شيطان و قاسې مثله طبيب جراح و له مستشفى خاص 
ليليان البحيري 27 سنة جميلة جدا رقيقة طيبة متواضعة رغم أنها من عائلة غنية ابنة عم ايهم تكرهه بشدة بسبب شخصيته المتعجرفة بالرغم من حبه الشديد لها و يتمنى الزواج بها و هي طبيبة و تعمل في مشفى ايهم 

عمر الشناوى 30 سنة ابن خالة شاهين و مدير مكتبه من عائلة غنية مغرور و صارم لكنه طيب القلب في بعض الأحيان 
هبة منصور 23 سنة فتاة جميلة و طيبة صديقة كاميليا تدرس معها في نفس السنه
صوفيا عشيقة شاهين المفضلة
فادي ابن شاهين يبلغ من العمر أربعة سنوات
محمد البحيري شقيق أيهم يبلغ من العمر 29 سنة
لديه مركز رياضي متكامل يعلم فيه جميع انواع الرياضة كالملاكمة و الجودو و السباحة 
نور محمود سنة شقيقة كاميليا جميلة كأختها
ببشرة بيضاء و عينين عسليتين و شعر قصير طيبة و لكنها سليطة اللسان و صاخبة تحب المرح و الحياة عكس كاميليا الهادئة
بقية الشخصيات حتظهر مع الأحداث
الفصل الاول
في احد شوارع القاهرة المزدحمة اتكأت كاميليا على جدار احد المحلات انحنت لتضع يديها على ركبتيها و هي تقول بصوت لاهث
خلاص يا هبة معدتش قادرة اتحرك خطوة زيادة تعبت و رجليا تخدرت من الجري 
قدمت لها هبة قارورة صغيرة من المياه لتشرب منها ثم هتفت ضاحكة
انت عملتي ايه يا مچنونة عاوزة تبيتينا في القسم النهارده 
كاميليا و هي تلتقط أنفاسها يستاهل انا لو كنت اقدر كنت اديته قلم ثاني راجل عجوز ة
هبة و هي تضحك بقوه حتى ادمعت عيناها
المسكين عجبتيه و مقدرش يمسك نفسه داه عرض عليكي تشتغلي حتى ساعتين في اليوم و بضعف المرتب المهم اكملت و هي تقلده
اطلبي اللي انت عاوزاه المهم أتصبح كل يوم على وشك الحلو دا يا جميل 
كاميليا و هي تشاركها الضحك 
ېخرب بيته دا اللي ناقصني واحد اد جدي يعجب بيا الحمد لله ان احنا قدرنا نهرب قبل ما يمسكنا 
هبة بمزاح حرام عليكي يا كاميليا قد جدك إزاي متظلميش الراجل داه حتى شعره كان لونه اسود 
نظرت لها قليلا قبل أن تكمل 
هو كان شعره و الا باروكة 
في الضحك من جديد 
هدأتا بعد دقائق لتتنهد كاميليا قائلة بحزن
انا تعبت يا هبة و احنا من الصبح بندور عالفاضي صنف عاوزين حد يشتغل وقت كامل و كمان بمرتب يدوب يكفي مواصلات و الصنف التاني زي الراجل العجوز داه 
هبة بتشجيع 
خليكي متفائلة و متيأسيش احنا عملنا اللي علينا و الباقي على ربنا 
كاميليا برجاء
يا ريت يا هبة انت عارفة انا محتاجة الشغل دا اد إيه الجامعة كل يوم مصاريفها بتزيد و بابا مرتبه يدوب يكفي طلبات البيت حتى أخواتي هديل و أسامة محتاجين يدفعوا أقساط المدرسة دا غير الكتب و الهدوم انا مش عارفة اعمل إيه ياريتني كنت سمعت كلام ماما و مدخلتش هندسة لو كنت دخلت إدارة أعمال كنت خلصت السنة اللي فاتت و كنت قدرت اشتغل و أساعد اهلي و مكانش
حالي كده 
هبة متقوليش كده انت بالعكس انت متفوقة جدا في مجال الهندسة و بكرة انشاء الله حتتخرجي و حتشتغلي و حتبقي اشطر مهندسه في مصر كلها دا انت الأولى على دفعتنا من أربع سنين و ندمانة امال اقول ايه انا اللي كل سنة بنجح بالعافية 
ضحكت كاميليا بخفة قبل أن تقول بسخرية دا انا بقالي شهور بدور على شغل بياعة في محل هدوم او في مكتبة انشاء الله حتى امسح سلالم العمارات و بردو مش لاقية تقوليلي مهندسة اذا كان انا مش عارفة حكمل دراسة السنة دي و الا أأجلها 
هبة ويا لهوي تأجلي ايه يا كاميليا دي آخر سنه لينا في الكلية 
كاميليا بحزن السنة لسه في اولها يا هبة و انت عارفة المصاريف بقت الضعف عن السنة اللي فاتت فأنا قلت اني ممكن اشتغل اي شغلانه بوقت كامل و احوش عشان ادرس السنة
اللي جاية 
هبة پصدمة
انت غبية يا بنتي و تخسري سنة من عمرك لالا حنتصرف اكيد في حل غير داه 
كاميليا 
يا رب يا هبة 
اكملت الفتاتان طريقها لنذهب كل واحدة منهما الي منزلها 
وصلت كاميليا الى مدخل حارتها لتتنهد بضيق و هي تلمح ذلك المدعو المعلم زكريا صاحب القهوة رجل في بداية الأربعين من عمره متزوج مرتين و له أربعة بنات ميسور الحال معجب بكاميليا و يريد أن يتزوجها و
تأففت بصوت مسموع قبل أن تواصل سيرها بخطوات مسرعه متجهة
الى منزلها و الذي من سوء حظها يقع في العمارة المقابلة للمقهى 
زكريا و هو يعترض
طريقها 
اهلا بست البنات نورتي الحارة 
كاميليا بتعمد 
اهلا يا عم زكريا 
زكريا بضيق 
الله الله ماقلنا بلاش عمي
دي ليه مصرة على الجفاء يا بنت الناس و انا شاريكي بالغالي و كل الحتة عارفة 
كاميليا بنفاذ صبر 
بقلك ايه يا عم زكريا ابعد عن طريقي احسنلك انا اللي فيا مكفيني بلاش كلامك اللي يفور الډم داه و روح شوف اكل عيشك و ابعد عن سكتي كل الحتة عارفة ان
انت راجل قد ابويا و متجوز أثنين و عندك عيال حل عني انا مش ناقصاك 
زكريا و هو يمسح شاربيه الكثيفين
طب ما توافقي تتجوزيني و انت حتبقي ملكة زمانك و كل اللي تطلبيه حيكون تحت امرك و حعيشك في العز انت و عيلتك كلها 
كاميليا
تشكر يا خويا عرضك مرفوض انا لا عاوزة اتجوزك و الا اتجوز غيرك ابعد من قدامي بدل اقسم بالله اصوت بعلو صوتي و ألم عليك امه لا اله إلاالله و اعملك 
تجاوزته و هي 
اهو دا اللي كان ناقصني يا ميلة بختك يا كاميليا مبقاش غير الراجل العجوز داه يطمع فيكي
حلاقيها منين و الا منين يا رب حلها من عندك انا تعبت 
ظل زكريا ينظر في اثرها و هو يتخيل ذالك اليوم الذي يتزوج فيها منها و تصبح كتلة الجمال تلك ملكه و في بيته الى ان أفاق على صوت احد صبيانه يناديه
زكريا پغضب
ماهو لو مش عنها انا مستحيل 
يا معلم زكريا 
قاطعه صوت الصبي ثانية ليندفع الى المقهى هادرا پعنف
كرباج لما ينزل على لحمك يفتته ايه يالا مالك فيه ايه
الصبي پخوف
اصل تليفونك مبطلش رن بقاله ساعة يا معلم 
زكريا و هو يتجه الى مكتبه و هو عبارة عن طاولة خشبية كبيرة تحتوي على عدة ادراج و خزنة يضع بها النقود و الأوراق المهمة قائلا بصوت اجش
هاتلي قهوة و تعالى غير حجر الشيشة خليني أعدل المزاج اللي طيرته بنت ال و الا بلاش دا بردو حيبقى ابو نسب 
جلس على كرسي الخشبي ثم جذب عدة أوراق من الدرج ليبدأ في مراجعة حسابات المقهى 
وصلت كاميليا الى منزلها طرقت الباب لتفتح لها اختها الصغرى نور 
نور متذمرة
يووه يا كامي انت مبتفتحيش الباب بمفتاحك ليه ضروري تجيبيني من آخر الشقة يعني 
كاميليا و هي ترتمي على الاريكة القديمة 
بطلي زن يا نور انا
تعبانة و مفياش حيل اناقشك اللي يسمعك يفتكر انك جيتي من آخر الشارع عشان تفتحيلي دي حتى شقتنا اوضتين و صالة روحي هاتيلي كباية ميه ريقي نشف من زنك يا شيخة 
رمقتها شقيقتها بغيظ قبل أن تتجه الي غرفتها متجاهلة لطلبها 
بعد دقيقة خرجت والدتها من المطبخ و في يدها كوب الماء 
كاميليا بابتسامة 
تسلم إيدك يا ست الكل تعبتي نفسك ليه 
الام تعب ايه يا حبيبتي دا انت اللي باين عليكي مهدودة خالص ربنا يعينك يا حيبيتي يلا قومي غيري هدومك و انا حجهزلك الاكل 
كاميليا
هو بابا فين لسة مجاش من الشغل 
الام 
لا يا حبيبتي قال انه عنده ساعتين شغل إضافي اهو يطلع بقرشين زياده ينفعونا 
كاميليا بحزن
بس هو كده حيتعب زيادة 
الام و هي تتجه الى المطبخ 
انت عارفة ان مرتبه معادش مكفي مصاريف اخواتك و البيت و الكام ملطوش اللي باخذهم من شغل المكنه بدفعهم في إيجار الشقة حنعنل ايه مفيش حل غير داه 
اتجهت كاميليا الى غرفتها التي تشاركها مع أختها نور لتجدها منكبة تذاكر دروسها بتركيز فشقيقتها لا تقل عنها ذكاءا و تفوقا في دراستها 
كاميليا 
هو كريم فين انا مشفتوش من ساعة مجيت 
نور دون أن ترفع رأسها 
راح يلعب مع سامي ابن طنط نجوى 
كاميليا بضيق
و هو معندوش مذاكرة طول النهار بيلعب و ازاي ماما تسمحله يروح 
نور بلامبالاة
عندك امك اسأليها انا مالي 
كاميليا 
ليه هو مش اخوكي و مسؤول منك المفروض تقعديه جنبك و تزاكريله 
نور بملل
وهو من امتى بيسمع كلامي مدلل ماما داه بقلك ايه سيبيني اذاكر و بلاش ازعاج 
هزت كاميليا رأسها بيأس من تصرفات والدتها فهي كما قالت نور تفرط في تدليل ابنها الأصغر كريم و لا ترفض له طلبا تتركه يلعب بالساعات على حساب مذاكرتهو قد حاولت معها كاميليا عده مرات و لكنها لم تستمع لهابحجة انه طفل و من حقه اللعب
في إحدى النوادي المشهورة المخصصة للطبقة المخملية تجلس فتاتان في أواخر العشرينات كم عمرهما و هما
سيدرا رأفت تبلغ من العمر 28 سنة متزوجة
من رجل أعمال ثري و الأخرى ميرهان اسماعيل 27 سنة ابنة احد الوزراء السابقين مخطوبة لابن أحد الأثرياء 
سيدرا و هي تضع احد ساقيها فوق الاخرى
شفتي آخر الأخبار يا ميرو بيقولوا صوفيا حتتفتح عيادة التجميل
بتاعتها انا شفت صورها في الانستقرام بتاعها واو فوق الخيال بيقولوا جايبين أربعة مهندسين من اليابان مخصوص عشان تكون بالدقة و الفخامة دي 
ميرهان و هي تترشف كوب الكوكتيل 
ايوا انا كمان شفتها بس انت عارفة انها نايمة على بنك شاهين الالفي انا لو مكنتش مخطوبة مكنتش حخليه يفلت من إيدي 
سيدرا 
و ايه يعني
مخطوبة و هو فين اصلا خطيبك داه متزعليش مني يا ميرو بس انا بقول الواقع فريد مش معبرك و لا سائل عنك و كل
يوم مع واحدة شكل قال إيه بعد الجواز حيبطل صياعة و حيبقى ملتزم و بعدين حتى لو عمل كده فلوسه و فلوس عيلته كلها متجيش نقطة في بحر ثروة شاهين الالفي انا لو منك احاول اوقعه باي طريقة و اديكي شفتي صوفيا دي مجرد عشيقة من عشيقاته و شوفي عمللها ايه فمابالك لو انت بقيتي خطيبته او مراته 
ميرهان بلهفة 
تفتكري يا سيدرا حقدر اوقعه 
سيدرا مشجعه
طبعا يا ميرو و هي صوفيا أجمل منك يعني انا مش عارفة عجبه فيها ايه دي معاه من حوالي سنتين بصي انت حاولي معاه توقعيه و لو نجحتي يبقى برافو عليكي و لو خسړتي مفيش مشكلة محدش حيعرف حاجة 
ميرهان
 

 

بثقة و الله عندك حق انا لازم اجرب و بعدين هو حيلاقي احسن مني فين حلوة و من عيلة معروفة دا اسم بابي لوحده كفاية و اهو اكون ارتحت من فريد و انتقمت منه على اهماله ليا و خيانته انا لو لا ثروة عيلته و مركزهم مكنتش وافقت عليه ابدا 
سيدرا 
ما أنا قلتلك اسمعي كلامي تكسبي صدقيني انا لو مكنتش متزوجة كنت وقعته يا بنتي داه فارس احلام كل البنات ثروة و نفوذ داه كل رجال الأعمال بتترعب منه و مفيش حد يقدر يقف
قصاده يعني انت اللي حتكوني الليدي نامبر وان غير بقى وسامته و شياكته انت عارفاه طبعا 
تحولت ملامح ميرهان الى القلق بعد أن تذكرت حقيقة شاهين الألفي الملقب بالشيطان ابتلعت ريقها بصعوبه و هي تدرك صعوبة تحقيق غايتها لكنها لم تستطع قول ذلك أمام صديقتها 
لتقول بصوت مهزوز
طبعا يا سيدرا عارفاه عارفاه كويس 
الفصل الثاني
دلف شاهين الالفي غرفة الاجتماعات بهيبته
المعتادة هالة من البرود و الثقة تحيطان به
جلس مترئسا طاولة الاجتماعات الضخمة كعادتهبينما جلس عمر مدير مكتبه على يمينه و
بقية رؤساء الأقسام الذين اتخذوا اماكنهم على الطاولة ليسود الهدوء و الظلام كافة القاعة و تضيئ شاشة العرض الجدارية ليبدأ أربعة مهندسين شباب في تقديم تصميماتهم الهندسية الخاصة لإحدى المنتجعات الترفيهية الذي سيتم إنشائها في مدينة شرم الشيخ 
تراجع شاهين بجسده على الكرسي الجلدي ليجلس بأريحيةو يراقب الجميع بنظراته الحادة بعيونه
الحادة كالصقر 
أمسك بقلمه الذهبي الخاص به و المنقوش باسمه الثلاثي ليبدأ بطرق الطاولة بحركات متتالية رتيبة ليزيد من توتر الحاضرين 
يعلمون انه بهذه الحركة لن ينتهي الاجتماع على خير و انه سيقوم بطرد أحدهم دون رحمة فقانونه معروف لدى الجميع من يخطئ يعاقب لا مكان التسامح و لا وجود لفرصة ثانية في قاموسه 
انتهى المهندسين من عرض أفكارهم و تصاميمهم المختلفة ثم وقفوا أماكنهم منتظرين رأيه الأخير لاختيار الأفضل بينهم 
طال سكوته و هو يرمقهم بنظرات فاحصة أثارت رعبهم 
توجس الجميع من صمته الغريب و هو يلتفتون لبعضهم البعض متسائلين بأعينهم عما
سيفعله بهؤلاء المهندسين المساكين 
نهض من مكانه فجأة ثم اتجه الى شاشة العرض بخطواته الواثقة استدار بهدوء مريب ليواجه بقية الموظفين ليقول بصوت حاد و هو يرمق المهندسين بنظرات محتقرة إيه رأيكم في التصاميم اللي قدموها البشمهندسين دول من شوية تنفع لحديقة حيوانات او مدينة العاب صح 
استدار الى الشاشة ليجذب التصاميم المعلقة و يرميها على الأرض صارخا بحدةدا اسمه تهريج و لعب عيال مش شغل اكبر منتجع سياحي في المدينة بملايين الدولارات عاوزين تعملوه بالتصاميم الژبالة دي 
توجه ببصره لرئيس قسم الهندسة ليتابع باستهزاء ايه يا أستاذ حسن كبرت و خرفت و مبقتش عارف تركز في شغلك كويس عشان تدي مشروع زي دا لشوية عيال يجربوا فيه مواهبهم لو مش قادر قلنا و احنا نجيب غيرك يومين بالكثير و التصاميم الجديدة تكون عندي أو انت عارف مصيرك حيكون إيه
و انت يا عمر اطرد العيال دي بره الشركة مكانهم مش عندي 
انهى كلماته ثم خرج متجها الى مكتبه غير مبال بهمهمات الموظفين الذين اكتفوابسبب غطرسته و تكبره و معاملته الحقېرة لهم و كأنهم عبيد لديه 
بعد نصف ساعة دخل عمر مكتب شاهين و هو يرمق الاخر بنظرات ساخطة 
شاهين ببرود مالك 
عمر و هو يجلس على الكرسي المقابل له انت كل مرة تعمل كده و لا همك حد كان ممكن تديهم فرصة ثانية المهندسين دول هو صحيح تصاميمهم فيها شوية أخطاء
بس ممكن تتصلح 
شاهين باستهزاء أخطاء و تتصلح من
امتى و انا بستعمل الكلمتين دول في قاموسي 
عمر للأسف عارفك كويس بس 
شاهين يعني من الاخر سيادتك عاوزني اسلم مشروع بالضخامة و الأهمية دي لشوية مهندسين مبتدئين 
عمر انا مقولتش كده بس الأستاذ حسن يعتبر من أفضل المهندسين في مصر و كمان هو بقاله شغال سنين طويلة في الشركة يعني 
شاهين مقاطعا بصرامةو بالرغم من كل داه هو غلط غلطة كبيرة و انا نبهت عليه قبل كده أكثر
من مرة و قلتله انه لو لقى اي صعوبة فهو ممكن يستعين بمهندسين من برا الشركة يكون عندهم خبرة اكثر و انت عارف كويس ان الكل بيتمنى انه يشتغل معانا هوالموظف
الوحيد عندي اللي بيغلط و بديله فرص ثانية و كل داه علشان خاطرك انت متنساش داه
المهم سيبك من الموضوع داه كلها يومين و هو حيتصرف انا عارفه كويس قلي ظبطت سهرة الليلة 
عمر بضيق أيوا كل حاجة جاهزة ادوارد بتاع كلمني بنفسه و قال انه عنده بنات جداد حيعجبوك اكيد 
شاهين باستهزاء انت رجعت لادوارد داه ثاني البنات اللي عنده كلهم مفيش واحدة فيهم دخلت مزاجي 
عمر ما انت اللي شروطك صعبة الصراحة
و بعدين فين صافي بتاعتك 
شاهين صوفيا تعبانة و لازمها فترة علشان
ترتاح و بعدين انا زهقت منها و عاوز اجدد 
عمر بتقزز انت إيه يا أخي مش بتمل ابدا من القرف داه امتى حتفوق لنفسك و تنسى الماضي و تخرج من المستنقع اللي انت فيه 
شاهين بصرامة عمر يا ريت تقفل الموضوع داه و متتكلمش فيه ثاني انت تعمل اللي قلتلك عليه من غير مناقشة البنت تكون عندي الليلة يلا تفضل على شغلك دلوقتي 
لوى عمر فمه بضيق قبل أن ينهض من مكانه و يغادر تاركا شاهين يتخبط وحيدا في ذكرياته 
حرك رأسه طاردا تلك الذكريات اللعېنة التي لازالت تطارده منذ اكثر من ثلاثة سنوات 
تركها ثم تحرك متجها الي الحمام ليقف تحت المياه الباردة بملابسه عدة دقائق قبل أن يخلعها و يكمل استحمامه بهدوء و يخرج ليجد الشقة خالية 
أختار زجاجة ثم عاد الى الاريكة ليملأ كأسه و يترشفه بهدوء 
لفت انتباهه ربطة شعر باللون الأخضر مرمية على السجادة ليتذكر انها لتلك الفتاة ابتسم باستهزاء قبل أن يهمس زي اللي قبلها مستحملتش خمس دقائق 
الفصل الثالث
جميلة انت يا ولية فين القميص الأزرق اللي انا جايبه امبارح 
هتف زكريا بحنق و هو يبحث عن قميصه الذي اشتراه امس عندما كان مارا بإحدى المحلات الموجودة قريبا من الحارة 
جميلة بتعمد
اهو يا حج زكريا على فكرة القميص حلو اوي ذوقك يجنن خالص 
زكريا بضيق و هو يخطف القميص من يديها
حج ايه يا بومة انت أنا لسه في عز شبابي الظاهر انك انت اللي عجزتي و خرفتي يلا اطلعي برا
و روحي شوفي وراكي ايه قال حج قال 
جميلة و هي تتجه الي الباب جرا ايه يا راجل هو انا قلت إيه لكل داه مالك مش طايقلي كلمة من امبارح 
زكريا مقاطعا بقلك إيه روحي شوفي اللي وراكي و بلاش رغي عالصبح بدل ما نسوان تجيب الغم 
خرجت جميلة و تركته يرتدي ملابسه اتجهت الى غرفة ابنتيها لتوقضهما و تعدهما للذهاب إلى مدارسهم 
زكريا و هو يقفل بقية ازراز القميص بصعوبة و خاصة ببطنه الكبير
القميص داه يستاهل كل الفلوس اللي دفعتها فيه داه رجعني عشر سنين لورا اه لو ترضى عليا بس بنت سعيد على العموم هانت كلها كام يوم و اكلم ابوها عشان اخطبها رسمي ماهو مش معقول اللي يشوفها يبقى عاوز يتجوزها نثر بعض العطر على ثيابه قبل أن يكمل
اتجوزها بقى و اصطبح على الوش الحلو و العنين الزرقاء مش زي جوز الغفر اللي عندي 
انتهى من ارتداء ملابسه ثم خرج ليجد زوجته و ابنتيه يجلسون على الطاولة و يتناولون طعام الفطور 
البنات بصوت واحد صباح الخير يا بابا 
زكريا صباح الخير ايه انتوا لسه مرحتوش مدارسكم لحد دلوقتي 
جميلة بنبرة سخرية
لسه بدري يا معلم اصلك انت اللي صحيت بدري النهاردة الظاهر عندك مشوار مهم مخليك حتى ناسي الوقت اد ايه 
زكريا بعدم اهتمام عندي شغل بدري في القهوة المهم محتاجين حاجة قبل ما انزل 
جميلة انت حتنزل كده من غير فطار 
زكرياء حبقى افطر في القهوة يلا سلام 
تابعت جميلة طيفه الذي اختفى وراء الباب بشرود شرائه و ارتدائه لقميص جديد مختلف عن قمصانه القديمة و خروجه باكرا دون إفطار و هذا مالم يفعله من قبل جعلها تشك في حدوث امر جديد لمعت عيناها فجأة عندما تذكرت ندائه لها البارحة باسم مألوف
فجأة ضړبت صدرها بحركة شعبية يالهوي كاميليا بنت سعيد البنت اللي حكالي عليها الواد سلامة 
سلمى البنت الكبرى باستغراب مالك
يا ماما و مين كاميليا 
جميلة باستدراك و لاحاجة يا حبيبتي دي واحدة صاحبتي انت متعرفيهاش يلا خلصي فطارك بسرعة الباص زمانه على وصول 
فرح البنت الصغرى ماما انا عاوزة فلوس علشان الميس 
جميلة خلاص يا حبيبتي حديكي اللي انت عاوزاه
خير ابوكي كثير ثم اكملت بصوت منخفض و هي تخرج النقود من ملابسها
و يقدر يفتح بيت ثالث كمان اما وريتك يا حج زكريا مبقاش انا جميلة يا انا يا انت كل ماشوف بنت حلوة حيتجوزها لا و قد بنته كمان
يلا بنات الوقت تأخر خذي يا بنت الفلوس و متنسيش تاكلي الساندوتشات انت كل يوم بترجعيها
زي ماهي 
فرح و هي ترتدي محفظتها حاضر يا ماما 
هرعت جميلة الى الداخل متجهة نحو هاتفها لتتصل بأحد الأرقام جلست على الاريكة الذهبية اللون واضعة ساقها فوق الأخرى 
اهلا اهلا بضرتي ازيك
هتفت جميلة بعد أن اتاها صوت نعمة 
نعمة بملل اهلا بيكي يا ختي خير عاوزة ايه 
جميلة وحشتيني قلت
اسلم عليكي
و اطمن عليكي و على البنات عاملين إيه 
نعمة بتعجب فيكي الخير يا ضرتي كلنا كويسين الحمد لله لو عاوزة تقولي حاجة قصري اصلي مستعجلة دلوقتي 
جميلة باهتمام كنت عاوزة أسألك على المعلم حالته اليومين مش عاجباني بقى بيغير من شكله وهدومه هو ناوي على إيه اكيد انت عارفة 
نعمة بضحكة عالية هو انت لسه مش عارفة ياختي دا ناوي يتجوز الثالثة لا و ايه المرة دي عرف ينقي بصحيح بنت قمر لا قمر ايه دي بدر منور اسمها كاميليا أجمل بنت في الحارة كلها و كمان متعلمة و كلها سنتين و تبقى مهندسة دا لغاية دلوقتي المعلم مطفش يجي الف عريس متقدميلنها و مفيش راجل في الحارة يستجري يبصلها بصة حتى و الظاهر كده انه ناوي يخطبها الايام دي على العموم انا بكرة رايحة عند اختي اسكندرية فهو حيبقى يجي يبات عندك و انت حاولي تعرفي منه التفاصيل
جميلة بغيرة ناوي يخطبها انا قلبي كان حاسس و الله دا بقى بيلبس و بيتشيك اشي قمصان و برفانات طب و العمل يا نعمة انت حتسكتي على اللي بيحصل داه 
نعمة بتشفي عاوزاني اعمل إيه ياختي انا لو كنت اقدر امنعه مكنش زمانه متجوزك دلوقتي خليه على راحته هو راجل مقتدر و يقدر يفتح بدل البيت عشرة
و كمان الشرع محلل اربعة 
جميلة پحقد
نعم يعني انت عاوزاه يتجوز علينا و بتشجعيه