جبروت ام

 لمياء
يعني اي يا امي نمشي من هنا عايزنا نمشي
من هنا والله مرات اخويا كدابه محدش جه جمبها هي بتعمل كل ده علشان محدش يورث معاها
الام
اه تمشوا من هنا أنا اخاڤ علي مرات ابني
واللي في بطنها منكم وبعدين معندناش بنات
بتورث يا حبيبي كل الورث هيروح لاخوكم
وقبل ما تبدأ الحكايه اعرفكم بنفسي أنا لمياء
وكنت عايشه مع ماما انا واخواتي هند ورحمه
وفاكره يوم ما ماما دخلت الاوضه وقالت
الام
اسمعي يا لمياء أنا رايحه عند خالتك وعايزه
لما اجي القي الاكل خلص واعمله حساب
اخوكي ومراته
رحمه
هو فيه اي يا ماما هي معندهاش مطبخ
تعمل فيه اكل كل يوم تنزل تاكل

عندنا هنا وفي الوقت ده الأم قربت منها
وقالت
الام
لما تبقي بتاكليها من بيتك يا حبيبتي ابقي
قولي كدم انما طول ما هي بتاكل من بيتي
أنا مش عايزه اسمع صوتك وبعدها مشيت
لمياء
بلاش تتكلمي مع ماما عن سحر انتي
عارفه انها بتحبها ومش بتقبل حاجه عليها
رحمه
بس والله رحمه دي كده هتتدلع ولازم
تعرف أن أيدها ب ايدنا
لمياء
خلينا بقي نتكلم في المهم اخوكم كل شويه
يبيع حاجه من ورث ابوكم ويكبر شركته احنا
كده مش هيكون لينا حاجه ولقيت هند
عامله تبص في الموبيل بتعها وقولت
ما تركزي معايا شويه يا هند احنا لازم
نتكلم في موضوع الورث ده مينفعش كده
هند
هتتكلمي مع مين ما انتي عارفه امك بتحب
جاسر ازاي ومش هتوافق اننا نتكلم معاه
في موضوع الورث وفي الوقت ده دخلت
سحر وقالت
سحر
هو فيه اي الهوانم عاملين اجتماع ولا اي
فين الاكل انا جعانه
لمياء
الفراخ بتفك اي نعملها لحضرتك كده وهي
لسه طالعه من الفريزر ولا اي
سحر
ومين قالك اصلا أننا عايزه اكل فراخ
أنا هاكل سمك قومي انتي وهي يلا علي
المطبخ علشان تعملوا الاكل
رحمه
قومي يا بنتي انا عارفه اننا مش هنعرف نتكلم
في البيت ده كلمه واحده وفعلا قومنا وعملنا
الاكل والكل كان قاعد علي الاكل وماما قالت
الام
مين قالكم تعملوا سمك انا قولت اعملوا
فراخ جاسر حبيبي ملوش في السمك
رحمه
دي اومر ست سحر تقدري تتكلمي معاها
هي
الام
لا طلما سحر اللي قالت يبقي نعمل اللي هي
بتقول اي فرحي قلبي وقولي انك حامل
سحر
حاسه ب كده يا ماما ادعيلي أنا رايحه للدكتور
بكره باذن الله وعرف منه
جاسر
طيب انا مش بحب السمك هعمل اي دلوقتي
وفي الوقت ده ماما بصت وقالت
الام
ما العيب علي الهوانم عارفين بكده
وعملوا سمك بس قومي منك ليها
اعملي اكل لاخوكي وبعدها قومنا
من عالاكل ودخلنا المطبخ
هند
يوووو أمتي بقي نرتاح من الاقرف ده
أنا تعبت والله انا عايزه اتجوز
لمياء
مافيش جواز الا لما ناخد حقنا انتي ناسيه
ان امك قالت اننا مش هناخد الورث علشان
ورث ابوكم ميروحش ل راجل غريب
رحمه
غريب مين ده هيكون جوز بنتها والمفروض
انها تكون فرحانه أن نكون مبسوطين وفي
الوقت ده دخلت سحر
سحر
هو أنا كل لما ادخل عليكم تكونوا عاملين
تتكلموا كده هو اي الموضوع بالظبط
رحمه
هو انتي عايزه مننا اي مش المفروض
بنعمل الاكل لجوزك علشان انتي كان نفسك
في السمك
سحر
فين الاكل ده الا ماشوفت يعني
ان فيه حاجه علي الڼار اي الموضوع المهم
اللي عاملين تتكلموا فيه
هند
والله ملكيش دعوه اخوات ومع بعضهم
ملكيش انتي دعوه
سحر
ماشي لما انده ماما واعرف بقي اي الموضوع
المهم
لمياء
يوووو أنا زهقت والله اوعوا كده انا داخله اوضتي
وبعدها دخلت الاوضه وكلمت رؤوف ابن
خالتي
رؤوف
تعرفي أن كنت لسه هرن عليكي اي مال
صوتك عامل ليه كده
لمياء
أنا زهقت بقي والله انت مش عارف ماما .عامله
فينا اي ومخليلا مرات اخويا كلمتها اللي ماشيه
في البيت
رؤوف
وانتي عملتي اي ماما قالت ليا أن خالتي
كانت عندنا انهارده وماما كانت ناويه
تتكلم معاها في موضوعنا
لمياء
ارجوك بلاش دلوقتي انت عارف ان لسه
مش اخدنا نصبنا في ميراث بابا
رؤوف
وانا قولت ليكي الف مره مش عايز ميراث
ولو ده اللي هيعمل مشكله لينا
فبلاش احسن
لمياء
وانا مش هسيب فلوسي لسحر و جاسر
مهما أن حصل وفي الوقت ده الأم دخلت
وقالت
الام
انتي بتكلمي مين وبعدين قومي علشان سحر
تعبانه وعايزه حد يوديها للدكتور
لمياء
طيب سلام دلوقتي وانا مالي يا ماما
ما جوزها يوديها ليه كل حاجه احنا اللي نعملها
ليها وفي الوقت ده دخلت سحر وقالت
سحر
بقولك يا ماما معلش أما دخلت اوضه
رحمه واخد الهدوم دي مش قادره
اطلع اللبس في شقتي اه ما يلا بقي
يا لمياء أنا تعبانه مش قادره اقف
وبعدها دخلت رحمه وقالت
يتبع
رحمه
ازاي تعملي كده انتي عارفه أن مش بلبس
مكان حد والطقم ده لسه جديد
الام
ومين قالك أنها هتنزله اصلا يلا يا سحر
انزلي وانتي يا

لمياء خلصي وانزلي ورنا وبعدها
نزلت ماما ومعاها مرات اخويا
رحمه
هو انتي متاكده يا بنتي ان دي امنا
أنا حاسه انها جايبنا من الشارع
لمياء
انتي فايقه تهزري انتي فاهمه لو سحر
طلعت حامل اي ةىلي هيحصل
رحمه
هيحصل اي يعني اكيد هتقعد في شقتها
مش هتنزل هنا تاني المهم انا عايزه
الطقم بتاعي
لمياء
بقولك اي اوعي من وشي انا مش ناقصكي
وبعدها نزلنا وساعه وبعدين رجعنا
الام
الف مبروك يا مرات ابني اخيرا هشوف
حفيدي متعرفيش والله انا فرحانه ازاي
سحر
الله يبارك فيكي يا حماتي انا جيت هنا
اهو زي ما طلبتي بس عايزه اروح
اقعد اليومين دول عند ماما ارجوكي يا حماتي
الام
ليه يا حبيبتي هو انا هقصر معاكي أنا زي زي
ماما بالظبط الله امال فين اخواتك يا لمياء
لمياء
منا لسه طالعه معاكي يا ماما ومعرفش
راحوا فين
الام
طيب دخلي مرات اخوكي اوضتي خليها
ترتاح وفعلا اخدتها ودخلتها ولقيتها بتقولي
سحر
اهو هيجي الحفيد اللي هياخد كل حاجه
اه طبعا مال ابو ولازم هو اللي يكون الوريث
الوحيد
لمياء
بطلي كلامك ده علشان ربنا يقومك بالسلامه انتي وابنك
سحر
هقوم يا حبيبتي ليه يخليني ما اقومش واحده هفضل مرتاحه ونايمه شهور الحمل كلها على ظهري وعندي اللي يخدموني
لمياء
والله لو ربنا مش رايد وانتي نايمه على نفس السرير حملك ده مش هيكمل
سحر
مش عايزه اقولك ان لو حمل ده حصله حاجه انتي واخواتك هيجرلكم ايه
لمياء
ربنا يقومك بالسلامه يا امرات اخويا وبعدها
خرجت ولقيت رحمه وافقه في الصاله
رحمه
هو انتم جيتم امتى و ماما عرفت ان احنا كنا خرجنا ولا ايه
لمياء
طبعا عرفت ان انتم كنت خرجتم الهانم حامل وكنت عايزه تعرفكم المهم انتو كنتو
فين
رحمه
كنا في المكتب عند رؤوف انا سمعت اخوكي بيتكلم في التلفون وبيقول انه هيبيع الارض الكبيره
لمياء
باقولك ايه احنا هنشوف اي محامي ثاني بلاش رؤوف بالذات
رحمه
طيب قولي ما هو ده ابن خالتنا واكيد هيقف جنبنا طب انتي ناويه تعملي ايه
لمياء
مش عارفه المشكله ان امراه اخوك لو جابت الولد انتي عارفه طبعا امك هتعمل ايه
رحمه
انا مش هسيب حقي ثاني ولازم نقعد مع اخوك ونتكلم معه
لمياء
هو فوق في شقته ولا موجود فين
رحمه
اه كان فوق وانا خارجه يلا نطلع ليه
وفعلا طلعنا
جاسر
ايه ده خير يعني طالعين من نفسكم من غير ما ابعتلكم عايزين حاجه ولا ايه
لمياء
غريبه يعني ما نزلتش اكيد ماما اتصل بيك وقالت ليك ان امراتك حامل
جاسر
طالعه ليه يا لمياء ما انتي اكيد مش طالعه لي عشان تقوليلي ان مراتي حامل
لمياء
بقولك ايه انا واخواتك عايزين نيجيلك الشركه بكره عايزين نعرف شغلها ماشي ازاي يعني
جاسر
وانتم مالكم ب الشركه اصلا هو انتم ناسيين ان الشركه دي بتاعتي ولا ايه امشيها زي ما امشيها حاجه ما تخصكيش
لمياء
ايوه بس كبرت بفلوسنا ما انت كل شويه عمال تبيع حاجه وتروح تكبر الشركه بتاعتك
جاسر
هو انت اټجننتي انتي ازاي تقفي قدامي وتتكلمي بالكلام ده وفي الوقت ده طلعت ماما وقالت
الام
ايه ده في ايه