قصة حقيقيه حدثت
قصة حقيقيه
انا من فتره نقلت في شقه جديده اجرها ليا ابويا عشان كنت مطلقه وقالي تبقي بعيد عن مراتات اخواتك ميلطموش فيكي وتبقي قاعده بعيالك مرتاحه
المهم ابويا قالي انقلي فيها يابنتي لحد ما ربنا يأذن وتاخدي عفشك وتفرشي بيتك واداني شويه حاجات من البيت زي مرتبه وفلوس امشي بيها حالي وكان والدي علي اد حاله بس كان بيحاول يساعد باللي معاه
جريت علي المحاكم عشان اخد عفشي واطلق رسمي واخلص
كان طليقي بيحاول يعقد الدنيا وكذا محامي يقومه عشان ما اخدش حاجه
انا مكنش معايا فلوس اجري علي محاكم
زهقت وسبته ومنه لله
ليا جارتي في الشقه اللي قصادي جت زارتني وبقيت محروجه من منظر البيت وقدمتلها شاي وقعدت علي الارض وشدتني قعدت معاها ورحبت بيها وكنت مبسوطه اوي انها حتي معلقتش علي حاجه ولا قالت حتي انتي ليه شقتك فاضيه عشان متحرجنيش
من هنا لهنا هي عرفت ظروفي اني مطلقه ومبهدله وزي القصص دي كتير
لقيتها في يوم من الايام بتخبط وقالتلي افتحي يابت الباب علي وسعه ولقيتها داخله عليا بركنه مستعمله بس هي جددتها
وراحت لكل الجيران واخدت منهم فلوس وجابولي غرفه نوم مستعمله بس حاجه نضيفه برده وجابتلي تلفزيون من عندها
ومطبخ واطباق وخلتني مش ناقصني حاجه
قالتي مش هجبلك غرفه اطفال
عشان تاخديهم في حضنك ومتفارقهمش ابدا في غرفتك مش هيبقا ابوهم وانتي كمان
واخوها كان محامي شاطر وقف جمبي لحد ما جبت حقي عفشي وكل حاجتي اخدتها منه وفلوس وكل حاجه
بعت العفش الزياده واخدت اللي احتاجتو وبقي معايا مبلغ روحت جبت محبس دهب وادتهولها هديه
ميجيش حاجه جمب وقفتها جمبي والله
كل اللي طلباه منكم انكم تدعولها ربنا يشفيها
ادعولها ربنا يشفيها ويسترها زي ما سترتني
ھموت لو جرالها حاجه
علق بشيء تؤجر عليه ليصلك كل جديد واعمل متابعة ولاتنس الصلاة على النبي محمد صلى الله عليه وسلم تسليما كثيرا
