مش معقوله يا اميره
انت في الصفحة 1 من 12 صفحات
الحلقه الاولى
أنا العاشق ولكن
فارس مش معقول يا اميره بجد نفسي في يوم اجي ماشوفكيش في المطبخ ....وهدومك متبهدله وشعرك منكوش وريحتك بصل ....بجد حراااااااااام
اميره مش بعملك اكل .......وبروق البيت يا حبيبي
فارس تعالي شوفي البنات و الستات يا هانم
اميره انت اخدني كده يا فارس
فارس كنت بحسبك انك عم عبده في الشارع وهيفاء وهبي في البيت ولكن لقيتك الاتنين عم عبده البواب
اميره احترم نفسك يا فارس
فارس بجد ديه مش عيشه حاجه تخنق
اميره طلقني يا فارس
فارس هو ده الصح احنا لازم ننفصل .انتي طالق يا اميره
فارس شاب امور بمعني الكلمه....بيعشق البنات المزز ...والاهتمام بالنفس والشكل العام ....رجل اعمال مشهور ...عنده شركه كبيره .......يعشق اميره ...ولكن ....
اميره اهلا يا احمد .......ازيك
احمد اميره مش معقول اتفضلي
اميره ايه اخبارك
احمد تمام ......وحشتيني وحشتني ايامك يا اميره
اميره وانت كمان يا احمد والله .......انا طالبه منك طلب
احمد خدي عيوني يا اميره ومش هقولك لا انتي عارفه
احمد انتي اشتغلتي قبل كده
اميره باسف مانت عارف يا احمد انا اتجوزت بعد التخرج
احمد طب ماشتغلتيش مع فارس ليه
اميره بابتسامه اناوفارس انفصلنا
احمد بفرحه بيحاول يخفيها ليه
اميره محصلش نصيب .....ايه قولت ايه
احمد بجديه بكره ياباشمهندسه تكوني علي مكتبك الساعه 9 بالدقيقه
اميره بفرحه تحت امرك يافندم
وفي مكتب فارس كان جالس علي مكتبه منهمك في شغله وفجاه دخلت عليه واحده كانت لابسه ومش لابسه وراحت قاعده قدامه علي المكتب وقربت منه
..... ايه يا بيبي .....وحشتيني
فارس ريري ازيك .....عاش من شافك
فارس امممممممممم في دلع يبقي خير
ريري ايه يا فري .....طول عمرك فاهمني غلط كده
فارس ههههههههههه قصدك فاهمك صح
ريري ههههههههه طب هتفسحني فين النهارده
فارس مش فاضي النهارده
ريري بزعل مع دلع انا زحلانه منك يا فري ....وانا مخسماك بقي
فارس معلش بقي يا ريري
راحت ريري سحبت فارس بدلع واجبرته يمشي معاها .......
وفي صباح يوم جديد تصحي اميره وتبص في المرايا وتشوف وشها الشاحب ودموعها علي خدها من ظلم حبيبها ليها وبعدين تلبس هدومها وتنزل عشان تلحق شغلها وحياتها الجديده.
اميره شكرا يا فندم
احمد هههههههههه وثم قال بهزار يلا علي الشغل
واميره بداءت الشغل وفي نهايه اليوم وكانت ماشيه اتخبطت وشخص ما
اميره انا اسفه
....... ولا يهمك.....مش معقول ميرو
اميره شاهي فينك يا بنتي
شاهي وحشاني يا وحشه
اميره وانتي اكتر
شاهي فاضيه
اميره اه
شاهي طب يلا اعزمك علي حاجه
اميره يلا
وفي نفس اليوم ولكن عند فارس في المكتب
حازم انا هتجنن بجد هتجنن
فارس في ايه يابني
حازم الست هانم ....تخرج ولا كاني حيوان خطبها ولا اي حاجه
فارس طب اهدى مش انتي اللي عودتها
حازم قولت اسيبها شويه بس شكلها اخدت علي كده
فارس سيبك منها .... وتعالى اسهر معايا النهارده
حازم مش خاېف من مراتك
فارس وكانه داس علي الچرح ههههههههههه مراتك ههههههههه
حازم في ايه انتوا متعركين
فارس احنا اطلقنا
حازم پصدمه ايه!
فارس اتخنقت
حازم بتهزر صح .......ديه حب عمرك يا فارس
فارس اتخنتقت يا حازم حسيت اني اتجوزت ابن عمي
حازم مانت عارف يا فارس من الاول وده اللي شدك ليها ولا انت ناسي .....وبعدين يعني الست ريري ديه اللي تعجبك تكون زوجه
فارس ريري مين بس ديه اخرها نمشي معاها وغير كده انا خلاص توبت ومش هتجوز
حازم متضحكش علي نفسك انت مش هتحب والا بتحب غير اميره يا فارس
فارس خلاص بقي هتيجي ولا لا
حازم جاي يا معلم خلاص ......انا ماشي بقي وتبقي تعدي عليا
فارس ماشي يلا سلام
مشي حازم وقعد فارس يفتكر لما اقال لاميره انه.........
فارس انسه اميره ممكن ثواني
اميره نعم يا باشمهندس
فارس انسه اميره بصراحه كده
اميره پحده ايوه
فارس انا بحبك وعاوز اكلم باباكي عشان اخطبك
اميره مصدومه بتحبني انا
فارس بحب ايوه
اميره انت بتتريق عليا صح!
فارس لا طبعا انا شايف فيكي الزوجه المحترمه اللي ممكن تربي عيالي كويس ايه موافقه
اميره بابتسامه خلاص كلم بابا
ولكن عند اميره وشاهي
شاهي اطلقتي ......مش معقول يا ميرو ده الكليه كلها كانت بتتكلم عن حبكم
اميره بدموع مبقتش عجباه يا شاهي بيقولي اني انا عم عبده البواب وقال ايه عاوزني هيفا
شاهي هههههههه بصراحه عندوا حق يا ميرو لازم تتغيري
اميره مش لازم يعني اكون مايصه ولا بدلع يا شاهي
شاهي انتي بتحبيه
اميره بټعيط ومش بتتكلم
شاهي اوك سيبي نفسك ليا هخليي يجيلك راكع
اميره بتفاؤل ازاي
شاهي اجازتك امتي
اميره الجمعه
شاهي الجمعه الساعه 10 هكون عندك اتفقنا
اميره اتفقنا ......بس قوليلى حازم عامل ايه معاكي
شاهي بربيه الاستاذ عاوزني استاذن في الرايحه والجايه فاكر نفسه مين ده
اميره لا غلط يا شاهي لازم تقوليله
شاهي انتي هتجننيني يا بت انا كده صح لازم اعلمه الادب
اميره طب يلا بقي عشان عندي شغل
