انتي طالق

ليلي حمد لله علي السلامه احضرلك الغدا
احمد بحزن لا مش عاوز حاجه انا هخش انام
ودخل الاوضه ليلي وهي تدخل وراه
ليلي في ايه شكلك مش عاجبني في حاجه ضايقتك في الشغل 
احمد بحزن اكبر الموضوع مش كده الموضوع اكبر من كده بكتير
ليلي طب احكيلي ايه اللي حصل
احمد وهو ينظر لعيناها يعني لو قولتلك مش هتزعلي ولا هتضايقي

ليلي بهدوء لا طبعا
احمد بهدوء انا شوفت نور
ليلي بثبات عكس ما بداخلها وبعدين
احمد بحزن ليلي انا حاولت احبك بس للاسف الحب مش بايدينا انا شوفت انهارده واتكلمنا و هي قالتلي انها عايزانا نرجع وانا بصراحه لسه بحبها ومقدرتش ارفض وقالتلي كمان اهلها موافقين بس بشرط اني اطلقك انا عارف اني هظلمك بده بس الحب مش بايدينا
ليلي بثبات تمام اللي تشوفه عن اذنك عشان عايزه انام 
احمد بلهفه ليلي
ليلي بهدوء وهي تنظر ضحكت بسخريه فهذه اول مره منذ زواجها به يديها قالت پحده لو سمحت ايديك وياريت نحط حدود ما بينا من انهارده انت هتعيش حياتك مع اللي بتحبها وانا هطلق منك وهعيش حياتي فمعدش ليك دعوه بيا انت فاهم
رواية عڈاب الحب الفصل الثاني 2 بقلم وعد
احمد بحزن ليلي انا مكنتش اقصد انت عارفه انك غاليه عندي ومش عايز اخسرك
ليلي بثبات وحده لو سمحت انا عايزه انام ممكن
احمد هو بيبص لعينها انا عارف انك زعلانه مني بس والله ڠصب عني
ليلي ببرود ڠصب عنك برضاك ميخصنيش انت حر ولو سمحت اخرج برا 
احمد خرج برا وهو زعلان هو بيحب نور ومش عايز يخسر ليلي هو متعود علي وجودها جنبه حبها و اهتمامها وحنيتها كل حاجه مكنتش تستاهل منه ده وهو مش عايز يخسرها
اما عند ليلي جوا حطه ايديها علي قلبها وبتعيط باڼهيار بحبه بحبه مش قادره ابعد عنه كلامه عايز يطلقني ويتجوزها فيها ايه زياده عني ليه كده يا احمد ليه عايزني اكرهك ليه بس هو بيحبها وانا مش اكتر من كده انا حاولت معاه كتير خلاص يحبني يكرهني معدتش فارقه لازم افكر في نفسي شويه وفي حياتي هو لسه بيفكر فيها وانا مش هخش في مقارنه انا عارفه اني هطلع منها خسرانه خلاص كفايه كده ملناش نصيب نكمل مع بعض ربنا يوفقه في حياته مع اللي بيحبها
نامت علي السرير وهي بټعيط وبتحاول تهدي نفسها وقلبها بيوجعها اوي لحد ما غفت مكانها
قامت الصبح علي صوت آذان الضهر اتوضت وصلت الضهر وطلعت تحضر الفطار
احمد بحنيه صباح الخير علي احلي ليلي
ليلي بهدوء صباح النور هتفطر دلوقتي ولا في الشغل
احمد بضحك اكيد هفطر هنا مهو مش معقول اسيب الاكل ده واكل من برا فول وطعمية
ليلي وهي تضع الاكل علي الطاوله وتجلس وهو يجلس امامها وتقول ببرود هتطلقني امتي 
احمد بحزن مش عارف يا ليلي افهميني انا بحبك زي اختي ومتعود عليكي في حياتي ومتعود علي وجودك صعب اني اطلقك وصعب اني احبك بس اللي انا عارفه اني عايزك قدامي طول الوقت واشوفك دائما زي ما اتعودت متعود علي روحك الحلوه في البيت وكل لما ارجع من الشغل الاقيك قاعده مستنياني وانت قلقانه مش قادر اتخيل حياتي من غيرك لكن نور بردو بحبها وعايزها 
ليلي بصړاخ واڼهيار انت اللي عاملتني كأني حشره عمرك ما قعدت معايا واتكلمنا دائما قاعد لوحدك انت اللي خلتني بدا ما احبك اكرهك انت كنت حب طفولتي حط نفسك مكاني اتجوزت اللي بتحبه من الطفوله واللي بنت كل احلامها معاه وتتفاجأ يوم