صدفه بقلم سميره
على الطريق حسيت بيها بتعدل نفسها وبتبصلي
_ كنت في الديسكو بتعمل ايه
فضلت ساكت اما هي كملت _ و بعدين حد يجي الديسكو ببدلة
_ طب ما انتي ډخلتي ببيجاما ومحدش اكلم
_ انا كنت نازلة اقفش خطيبي مع واحدة
_ وانا كنت جاي مع صحابي اشقط واحدة
اومأت براسها اما انا حسيت اني عايز اكلم _ على فكرة دي اول مرة ليا
شغلت الكاسيت مرة تانية
ولكل شمس شروق بعد الغروب ....
مدت اديها تقفله للمرة التانية
_ مقولتليش بتشتغل ايه ببدلة رجال الاعمال دي
_ ما شاء الله الاجابة ورا السؤال
_ رجل أعمال
_ ابنه
_ واو .. قصة مثالية
مفهمتش جملتها و هي فهمت
_ البريئة و المنحرف
_ انا مؤدب بعد تلاتة الفجر
_ وقبل تلاتة الفجر
ضحكت وبصت على الفون _ لسه مجاتش تلاتة
_ حلو .. الحق اخطفك بقا
_ مش شكلك الجو دا
وقفت العربية على جمب _ عشان البدلة
_ عشان الدبلة
خلعت الدبلة وحطتها على التابلو _ متيجي ننزل نتمشى عالكورنيش شوية
_ اه مهي الساعة لسه مجاتش تلاتة بقا
_ انا ببقى مؤدب تلاتة الا تلت
_ قول
_ انا كنت خاطب
_ ياه عالسر الي انت لابسه في ايدك و مفرجة للبشرية دا يااه
_ انا مكملتش كلامي
_ امممم
_ كنت رايح اقفشها في الديسكو مكنتش رايح أشقط ولا حاجة
_ ازاي
اتنهدت ووقفت _ قولتلها متروحش عيد الميلاد عشان في صحاب ليها ولاد كتير و الديسكو مش مكان لعمايل عيد الميلاد
طلعتلها الفون و وريتها الفيديو ليها وهي بترقص _ انا مكنتش هسيب شغلي واجري وراها من فراغ يعني
_ اقولك سر
_ قولي
_ أنا مكنتش مخطوبة
وقفت في مكاني وبصتلها بزهول _ أنا وهو خطوبة صالوناتي كدا هو كان مرتبط بالبنت الي انت شفتها هناك دي وهي بتحبه فحبت تبثتلي انه حيوان زي ما هو و انا بصراحة لقيتها حجة و روحت اقفشه
_ انت مبتحبهاش
_ تؤ
سكتت فقربت خطوة _ وانتي .. بتحبيه
_ تؤ
بصينا لبعض و ضحكنا
_ بقولك ايه
_ ايه
_ متجي نجوز
_ انت عبيط مفيش حاجة تيجي كدا
_ اهدى حبيبي كدا
_ مش وقتك يا نانسي يا عجرم ... مش ناقصة چنان
_ انتي مؤمنة بالقدر
_ طيب ما يمكن هو مرتبلنا دا كله عشان نتقابل انتي تتخطبي لواحد متعرفيهوش و تجيلك مسدج من صاحبته عشان تشوفيه بيخونك و تسبيه في نفس اليوم الي يجيلي مسدج من واحد صاحبها كان مرتبط
